أخبار محكمة الأسرة
مأساة محكمة الأسرة.. سحر: مش قادرة أعيش مع همجي زيه
سنوات من الصبر كانت نتيجته على أعتاب محكمة الأسرة خلال دعوى طلاق أقامتها سحر لتتخلص من نمط حياتها الذي غلبه الحزن، فمن بداية الزواج من الرجل الذي ظنت أنه يكون السند والعوض لها اكتشفت بعد ذلك أنه سبب تعاستها.
حكايات محكمة الأسرة.. اتجوزنا من هنا واتغير من هنا
بخطوات من الحسرة والألم توجهت سحر إلى محكمة الأسرة بعد ما سئمت من صلاح أحوالها مع زوجها، تستهل الزوجة رواياتها إلى قاضي محكمة الأسرة وتقول: "من ساعة ما اتجوزته وأنا مش عارفة اتعامل معاه عشان لقيت واحد تاني قدامي خالص غير اللي أعرفه، مبيعاملش غير بالضرب والإهانة مش فاهمة ليه مع إنه مكنش كدا في الخطوبة وكان بيتعامل معايا أحسن معاملة معرفش إيه اللي اتغير".
قصص محكمة الأسرة.. مش لاقيه سبب لتغيره معايا
لم تعرف سحر السبب الحقيقي وراء تغيره بهذه الطريقة التي كانت السبب الأساسي في تغير حياتهما ونشوب المشكلات بينهما، تتابع: "قلت يمكن عشان لسة في أول الجواز ولسة مش فاهمين بعض، وشوية والدنيا هتبقى أ؛سن، بس مفيش حاجة بتتغير والمشاكل عمالية بتزيد بينا بسبب طريقته الغريبة، والأهل بدأوا يتدخلوا بينا بعد ما شافوا طريقته معايا والمشاكل كبرت، بس هو كان بيقول كل مرة خلاص هتغير ومش هتعامل معاها تاني بس مكنش فيه حاجة بتتغير".
روايات محكمة الأسرة.. رفعت عليه قضية عشان أجرجره في المحاكم
تفاقمت المشكلات بينهما بعدما استمر الزوج بهذه الطريقة في التعامل معها، تستكمل سحر رواياتها قائلة: "زهقت منه ومن قرفه ومبقتش عارفة استحمل أعيش معاه بالطريقة دي والمشاكل بينا كترت أوي وهو برضو مبيتغيرش، سبت البيت وطلبت منه الطلاق بس هو قالي مش هطلق واللي عندك اعمليه، رحت رفعت عليه قضية طلاق عشان أجرجره في المحاكم"، في النهاية كانت محكمة الأسرة هي الحل الوحيد لها لكي تتخلص من تعاستها وحياتها البائسة مع زوجها.
تابع أحدث الأخبار عبر
