عايشين مع همجي.. أميرة لـ محكمة الأسرة :ضرب بنتي اللي عندها سنتين عشان بتلعب
كان زواج أميرة محكوم عليه أن ينتهي في محكمة الأسرة منذ سنين عديدة ولكن هذا ما لم تعلمه الزوجة في بداية حياتها مع زوجها الذي كان قريبها ولكن لم يصونها منذ زواجهم، وكان يهينها ويضربها بسبب ژو بدون سبب مستغلًا حبها له وضعفها أمامه، حتى اضطرت الزوجة أن تتوجه لمحكمة الأسرة عندما وصل أذى زوجها لابنتها صاحب الصغيرة التي لا ذنب لها
قصص محكمة الأسرة..اتجوز ابن خالتي على طول بعد التخرج
قالت «أميرة» في بداية حديثها : «أنا اتجوزت ابن خالتي من 8 سنين وخلفت منه بنت واحدة بس، هو اتقدملي أول ما خلصت تعليمي ووافقنا عليه على طول عشان واثقين فيه وفي أهله وتربيته واتجوزنا على طول مستنيناش».
حكايات محكمة الأسرة .. خلافات عادية
تابعت «أميرة» حديثها قائلة: «الحياة في الأول كانت عادية ومفيش مشاكل أول الجواز كنا فرحانين جدًا اننا اتجوزنا، لحد بعد ما خلفت منه بنتي المشاكل بدأت وكل مدى كانت بتزيد، المشاكل كانت بيبقى سببها الخلافات او بتكون على المصاريف أو مشاكل زي أي اتنين متجوزين بس كنت بكبر دماغي وأعدي عشان مخربش البيت».
دعاوي محكمة الأسرة.. بتضرب سبب ومن غير سبب
أضافت «أميرة»: «لحد بعد سنة واحدة بس جواز جوزي بقى يضربني كان بيضربني ويبهدلني مع اي مشكلة، مكنتش أتوقع أبدًا لما اتقدملي انه يكون قاسي عليا كدة، كانه اتحول وبقى بني ادم تاني على طول ضرب وإهانة بسبب ومن غير سبب، فكرت أسيبه كتير بس أنا حملت أول الجواز ومكنش أقدر اسيبه وخفت على بنتي تتبهدل ومين هيشيلها».
قضايا محكمة الأسرة..اتهجم عليا عشان سيبته وطلبت الطلاق
أنهت «أميرة» حديثها قائلة: «لحد أخر مشكلة حصلت بينا مسك بنتي الصغيرة ضربها وكان عندها سنتين بس عشان كانت بتلعب، وقتها قررت اني اسيبه لان خفت عليها ممكن يعمل فيها أو كان ممكن يموتها، لما سيبته ورحت عند أهلي حاول يرجعني وأنا رفضت أرجع عشان بقيت خايفة منه وقتها اتهجم عليا وقتها عرفت ان خلاص مينفعش أكمل معاه، وجيت رفعت عليه قضية خلع لأنه رافض يطلق ودي عشان ميدنيش حقوقي».
تابع أحدث الأخبار عبر
