كان عريس ميترفضش.. ايه لـ محكمة الأسرة: رمى ابنه عشان اتولد عيان
كان سبب تواجد أيه أمام أبواب محكمة الأسرة ، هو القسوة التي شهدتها من زوجها الذي بدلا من أن يكون سندها وشريكها كان هو سبب الألم في حياتها، ترك ايه زوجها في أمثر وقت احتاجت له أن يتحمل المسؤولية ويقف بجانبها ولكنه رفض تحمل أي مسؤولية واختفى نت حياتها
قصص محكمة الأسرة.. جوزي كان عريس ميترفضش
قالت «أيه» في بداية حديثها : «أنا اتجوزت من ٥ سنين، أنا وجوزي كنا قرايب من بعيد ناس قرايبنا قالوا عليه كويس ومن عيلة محترمة ومقتدرين ومعاهم فلوس، وافقت عليه لأن وقتها مكنش فيه أي مشاكل منه وكان عريس مناسب وميترفضش».
حكايات محكمة الأسرة.. المشاكل مع جوزي بسبب ومن غير سبب
تابعت «ايه» حديثها قائلة: «المشاكل مظهرتش مع جوزي بعد الجواز لانه مكنش فيه حاجة وحشة تبان عليه قبل الجواز وتخليني اسيبه، لكن بعد الجواز اتغير الحال وأصبح بتاع مشاكل وخناقات وشتيمة طول الوقت بسبب ومن غير ، وكانت أكبر المشاكل على الفلوس كان بيصرف برة وميصرفش علي بيته اللي يكفيه».
دعاوي محكمة الأسرة..سابني في المستشفى بعد ما ولدت
أضافت الزوجة: «المشاكل معاه كلها كانت مادية ، وكانت بتكتر لحد أخر مرة حصل بينا خلاف سيبت البيت ورحت عند أهلي ، وكنت حامل، وقتها كنت تعبانة جدا من كل حاجة ومكنتش عايزة ارجعله تاني بس هو صالحني قبل ما اولد عشان الأهالي قالوا لازم يعمل كدة عشان خاطر ابني لما يتولد، وأول ما ابني اتولد سابني في المستشفى ومشي ومسجلهوش حتى، أهلي هما اللي سجلوه ودفعوا مصاريف الولادة».
قضايا محكمة الأسرة.. رمى ابنه العيان ومش بيسأل فيه
أنهت «أمينة» حديثها قائلة: «ابني اتولد تعبان ومحتاج علاج كتير وطبعا هو مسألش فينا ورامانا، هو مشي يوم الولادة لما عرف انه تعبان عشان ميدفعش مصاريف الولادة، ومن ساعتها وهو مبيصرفش عليا أو على أبنه العيان ولا حتى بيسأل عليه عشان يشوفه ويطمن عليه، عشان كدة جيت ارفع عليه قضية نفقة عشان أقدر أكفي مصاريف ابني العادية ومصاريف العلاج بعد ما رماه ابوه ومبقاش يسال فيه».
