دعاوي محكمة الأسرة .. عامر: مصممة تخرب بيتها عشان خاطر قرشين
كان “عامر” في محكمة الأسرة حتى يلملم شتات أسرته التي تدمرت بسبب طمع زوجته، التي تزوجها في بداية حياته على أمل أن يكون له بيتًا وأسرة وحياة مستقرة، وبعد زواجه وإنجابه لأولاده ظن أن حلمه تحقق لكنه كان مخطئا.
عاش الزوج سنين من الخلافات ومع زوجته على أمل أن ينصلح حالها في يوم من الأيام ولكن لم ينصلح حالها وتركته، وتوجه لمحكمة الأسرة ليجد حل لمشكلته معها.
قصص محكمة الأسرة.. اتجوزت عشان يبقالي بيت وأسرة
بدأ “عامر” حديثه عن معرفته بزوجته وقال:« أنا اتجوزت من 5 سنين، بعدما شفتها في مناسبة اتقدمت لها وكانت كل حاجة كويسة، لما جينا نتجوز أنا جبت حاجات على قدي وهي جابت على قدها، أنا كان نفسي يبقالي بيت وأسرة ونعيش مرتاحين ومكنتش عايز حاجة تاني».
دعاوي محكمة الأسرة.. المشاكل مع مراتي بتزيد كل مادي
أكمل الزوج حديثه: « خلفنا ولد وبنت والدنيا كانت كويسة وقتها، المشاكل بينا كانت زي أي اتنين كانت بس معظمها على الفلوس أنا كانت ظروفي على قدي وهي مكنتش مقدرة كدة كانت على طول بتطلب مني زيادة وهي عارفة إني معيش يكفي، كنت بحاول على قد ما اقدر امشي الدنيا ومعملش مشاكل».
حكاوي محكمة الأسرة.. مش راضية تحل الأمور ودي عشان خاطر العيال
تابع عامر: « لحد آخر مرة حصلت بينا مشكلة كانت هي الغلطانة وزعلت وخدت العيال وراحت عند أهلها وبعد شوية لقيتها طالبة الطلاق حاولت أحل ودي منفعش وكلمت ناس كتير يتوسطو بينا لكن مفيش فايدة منها ومتمسكه بالطلاق وأنا مش عايز أطلق علشان في أولاد».
قضايا محكمة الأسرة.. إنذار بالطاعة عشان ترجع بيتها
أنهي الزوج حديثه:« لحد ما لقيتها رافعة قضية نفقة عليا نفقة زوجية ونفقة صغار وأنا كنت بصرف كل اللي معايا على ولادي، لما لقتها رفعت قضية واتحكم لها بالنفقة وإنها خلاص مفيش فايدة معاها تحل ودي جيت عشان أعمل إنذار بالطاعة عشان أخليها ترجع بيتها ونعيش فيه زي أي ناس عادية من غير مشاكل، وعملت كدة لأن لك الحلول الودي مش نافعة معاها».
تابع أحدث الأخبار عبر
