أقوال شقيق الضابط اليمني المقتول: نزل مصر من شهر وملوش عدوات مع حد
يواصل موقع “الحادثة” نشر أوراق تحقيقات النيابة في قضية مقتل اللواء حسن العبيدي، 50 سنة، قائد عسكري باليمن، في منزله بمنطقة فيصل ببولاق الدكرور .
أقوال شقيق الضابط اليمني المقتول أمام النيابة العامة بالجيزة
أدلى حسين صالح العبيدي، شقيق المجني عليه بأقواله أمام النيابة العامة بالجيزة:«اللي حصل أن حسن كان موعدني أنه هيتغدى معايا يوم الجمعة اللي فاتت بعد صلاة الجمعة بتصل بيه تليفونه مقفول وكلمته كذا مرة وبرده التليفون بتاعه مقفول فكلمت عمار وده سكرتير أخويا بسألوه هو فين قالي هو آخر مرة كان مع حميدي وحميدي ده واحد صاحب أخويا ومن اليمن وقعدت أرن عليه لحد الساعة 2 بالليل والتليفون بتاعه مقفول فروحت له العمارة وطلع خبطت على باب شقته مردش فنزلت على البواب وبصينا في الكاميرات لقيته مخرجشي وقت الجمعة وأنا جبت نجار وطلعت كسرت باب الشقة ودخلت لقيت أخويا مرمي على الأرض ومقتول وأنا كلمت الشرطة وده كان اللي حصل».
وأضاف «إحنا إخوات وعلاقتنا كويسة ولا توجد خلافات بينه وبين أي حد في مصر وهو كل ما ينزل مصر يقعد في الشقة دي، وهو جه مصر من حوالي شهر، ولا يتردد عليه أحد لزيارته، ويوم اكتشاف الواقعة توجهت لمنزله مع ابني وثلاثة من أصدقائه وبمجرد دخولنا وجدته مرمي على الأرض ومش لابس حاجة من تحت ودم كتير من وشه، فسبت كل حاجة زي ما هي وكلمت الشرطة».
