أخبار محكمة الأسرة
محكمة الأسرة.. فاطمة: ضرتي سرقت حق بناتي وطعنت في شرفي
كانت نهاية “فاطمة” محكمة الأسرة لتطالب فيها بالحصول على حقوقها هي وابنتيها بعد وفاة زوجها، منذ زواج أسماء وافقت على الزواج من رجل وكان له زوجة وأطفال، وتحملت ما فعلته الزوجة الأولى من زوجها من أجل الأطفال بينهم، وبعد سنين عاشتها مع زوجها توفى الزوج، وترك أموالًا لزوجته الثانية ليؤمن مستقبلهم ولكن ما لم يستطع تأمينهم منه هو غدر الدنيا، واضطرت بسبب إدعاءات الزوجة الأولى الكاذبة عنها وعن بناتها أن تتجوه لمحكمة الأسرة حتى تحصل على حقوقها.
قصص محكمة الأسرة.. ترتيبي التانية بين زوجاته
قالت «فاطمة» في بداية حديثها : «أنا كنت الزوجة التانية لجوزي واتجوزته 10 سنين وخلفت منه بنتين، أنا كنت عارفة انه متجوز ومكنش ينفع يسيب مراته عشان هي ام ولاده ومش عايزهم يتبهدلوا لما يطلق، كنت عارفة كده من بدري ووافقت عليه».
حكايات محكمة الأسرة.. ضرتي بتاعت مشاكل
تابعت «فاطمة» حديثها قائلة: «مرات جوزي الأولى كانت بتاعت مشاكل وعملت مشاكل كتير مع جوزي قبل ما يتجوزني وعملت معايا ومعاه بعد ما اتجوزته، كانت بتقول عليا كلام مش كويس للناس حاولت معاها كتير تتعدل أنا وجوزي بس مفيش فايدة معاها».
دعاوي محكمة الأسرة.. صبرت على ضرتي عشان خاطره
أضافت الزوجة: «كنا في مشاكل كتير اوي بس كنا بنعديها عشان خاطر العيال اللي بينا بس هي مفيش فايدة معاها كانت على طول بتعمل مشاكل وتقوم اهل جوزي عليا، صبرت عليها بس عشان خاطر جوزي كان راجل كويس وملهوش في المشاكل، لكن جوزي مات من كام شهر ومعرفتش أعمل ايه ساعتها ».
قضايا محكمة الأسرة.. سرقت حقي وبتتهمني في شرفي
أنهت «فاطمة» حديثها قائلة: «جوزي قبل ما يموت كان تعبان وكان قاعد عندها في البيت، وكان كاتب ليا أنا وبناتي بيت باسمينا وهي سرقت الورق ومعرفتش أخد حقي وحق بناتي منها، وأخرتها بتتهمني أن البنات دول مش بناته وببتهمني في شرفي وأخرتها اضطريت إني اجي المحكمة عشان ارفع قضية اعلام وراثة عشان أعرف أخد حق بناتي منها».
تابع أحدث الأخبار عبر
