الجماهير السعودية تطالب بطرد رونالدو من الدوري السعودي!
احتفال ولكن بطريقة غير أخلاقة.. تصرف عفوي من اللاعب البرتغالي كرستيانو رونالدو احتمال يعرضه للطرد من الدوري السعودي في أخر الموسم بسبب شكاوى كتير اتقدمت ضده من الأندية السعودية.
جدل كبير أثاره رونالدو لاعب النصر السعودي في الساعات الأخيرة، الصحف والمواقع السعودية كلها انتقدت طريقة احتفاله في مباراة النصر ضد الشباب في الدوري السعودي واللي انتهت بفوز النصر بنتيجة 3-2.. منهم هدف بتوقيع كرستيانو رونالدو من ضربة جزاء.
وبعد انتهاء المباراة الجماهير صورت رونالدو وهو رايح ناحية مدرجات جماهير الشباب وبيستفزهم بحركات غير أخلاقية ممنوعة داخل الملاعب السعودية.. وده لأنها بتخل بالآداب العامة وسط هجوم عليه وهتافات ضده من جمهور الشباب.
والموضوع موقفش لحد هنا فأكدت الصحف السعودية أن الاتحاد السعودي هيفتح تحقيق في الواقعة دي.. وإدارة نادي الشباب قررت انها تقدم شكوى رسمية للجنة الانضباط والأخلاق ضد كريستيانو رونالدو.
ورغم كدة ممكن رونالدو ميتعاقبش على الاحتفال ده لإن الكاميرات اللي صورت المباراة مرصدتش رونالدو وهو بيصور وان الفيديو كان من تصوير الجماهير فبالتالي الحكم في الموضوع ده هيتوقف على تقرير الحكم ومراقب المباراة.
وبسبب الواقعة دي استقبل رونالدو هجوم وانتقادات شرسة من الجمهور السعودي لأول مرة من وقت ما بدأ مسيرته مع النصر السعودي، وكان رأي الجماهير أن دي حاجة متنفعش داخل الملاعب ولا في مباريات كرة القدم وطالبوا برحيله من السعودية لأنهم شافوا التصرف ده فيه عدم احترام لعادات وتقاليد البلد اللي هو فيها.
وبيقدم رونالدو من ساعة ما راح النصر مستويات كويسة واداء قوي وده عكس ماكان الكل متوقع أنه هيلعب من غير شغف لأنه رايح عشان الفلوس ومسجل كريستيانو 22 هدف في بطولة الدوري لحد دلوقتي وبيسعي انه يحقق الدوري السعودي ودوري أبطال آسيا مع النصر الموسم ده
