أخبار محكمة الأسرة اليوم
محكمة الأسرة.. صلاح: مغرمتهاش جنيه وقت الجواز وبهدلتني في المحاكم
توجه “صلاح” لأبواب محكمة الأسرة بعد مروره بتجربة زواج صعبة، بسبب زوجته التي لم تصون بيته أو تصون أولادها، عندما تزوج صلاح لم يكلف زوجته أي أموال على أمل أن يكون له بيت وأسرة وأطفال وما كان يأمل فقط في حياته أن يكون له بيت مستقر وأسرة هادئة لكن ما فعلته معه زوجته دمر حياته ودمر أحلامه وجعله يصل لأعتاب محكمة الأسرة حامل الندم على كل خير فعله مع زوجته.
قصص محكمة الأسرة .. اتجوزت مراتي على سمعة أهلها
قال «صلاح» في بداية حديثه: «أنا اتجوزت من 2018 خلفت من مراتي ولد وبنت، كان جواز صالونات اتجوزتها بعد ما اتعرفت على أهلها وكنت سمعت عنهم أنهم ناس كويسة ومحترمين ومفيش منهم مشاكل واتجوزنا بعد ما اتقدمت لها بفترة قصيرة ومخلتهاش تجيب حاجة غير الرفايع وقلت مفيش مشكلة مادام كويسة ومن بيت محترم وأول الجواز الدنيا كانت ماشية ومفيش مشاكل بينا».
حكايات محكمة الأسرة .. المشاكل مع مراتي بسبب ومن غير سبب
تابع «صلاح» حديثه قائلا: «المشاكل بينا بدأت بعد الخلفة تقريبا وكانت كل مادى بتزيد أكتر وأكتر، كانت خلافات على كل حاجة مرة المصاريف ومرة تتهمني بالخيانة، مشاكل بسبب ومن غير سبب كنت بحاول أمشي الدنيا وأعدي النكد عشان مخربش البيت ومبهدلش الولاد».
دعاوي محكمة الأسرة.. جبت كل حاجة ومكلفتهاش حاجة
أضاف الزوج لكلامه: «لحد ما حصل بينا مشكلة زي المشاكل العادية وقتها خدت الولاد ومشيت وراحت عند أهلها قلت اسيبها فترة تهدى وبعد كدة ارجعها لكن بعد كده اكتشفت أنها رافعة عليا قضية بالقايمة وأنا اللي كنت جايب كل القايمة عشان كنت مفكرها بنت أصول، هي كل اللي جابته وقت الجواز الفوط وهدومها والصيني بس».
قضايا محكمة الأسرة.. مراتي وأهلها عاوزين مني فلوس مش معايا
أنهى «صلاح» حديثه قائلًا: «دلوقتي مراتي رافعه خلع، أهلها طالبين نقعد ونطلق ودي بس مش عاوزين يتنازلوا عن القضايا وطالبين نفقة متعة وعاوزين حق الدهب وأنا مش معايا لكل ده، لحد ما جيت المحكمة عشان أشوف حل معاها ومع المشاكل اللي هي عملتها دي».
تابع أحدث الأخبار عبر
