أخبار محكمة الأسرة اليوم
محكمة الأسرة.. صفاء: رجعني بعد الطلاق عشان أصرف عليه وعلى مزاجه
كانت صفاء في محكمة الأسرة تبحث عن حريتها التي حرمها منها زوجها وترك إدمانه للمخدرات يدمر أسرته، بعد اكتشاف الزوجة إدمان زوجها للمخدرات تركت زوجها وحاولت تنقذ مستقبل أبنائها ونزلت سوق العمل حتى تستطيع أن تصرف عليهم، وبعد محاولتها في إنقاذ أبنائها عاد زوجها لحياتها وقبلت به من أجل أبنائها ولكن سرعان ما اكتشفت أن هذا كان قرار خاطئ ولم يجب عليها ان تعود لزوجها، وعادت الزوجة لمحكمة الأسرة حتى ترفع دعوى خلع حتى تتخلص من زوجها مدمن المخدرات.
قصص محكمة الأسرة.. جوزي بيشرب مخدرات من قبل الجواز
قالت «صفاء» في بداية حديثها: «أنا اتجوزت من 15 سنة و معايا ولدين 12 سنة و4 سنين، كان جواز صالونات وفي الأول مكنش فيه مشاكل بس بعد كدة المشاكل بدأت لما عرفت أن جوزي بيشرب مخدرات من زمان قبل الجواز وأنا معرفش حتى».
دعاوي محكمة الأسرة.. رفعت قضية خلع أول مرة بسبب المخدرات
أكملت الزوجة حديثها: «بعد ما عرفت أن جوزي بيشرب مخدرات كانت دي أول حاجة خلتني عايزة أسيبه بس فوق كدة كان مبيصرفش والمعاملة سيئة، لحد ما تعبت منه ومن الحياة معاه ورعت عليه قضية خلع من سنتين بسبب المخدرات وإنه مبيصرفش وخدت ولادي وسيبت البيت».
قضايا محكمة الأسرة.. رجعت لجوزي عشان خاطر الولاد
تابعت «صفاء» كلامها: «لما اتطلقنا نزلت اشتغلت عشان أكفي مصاريف ولادي لأنه مبيصرفش علينا خالص، بعد ها بسنتين قالي في السنتين اللي بعدنا فيهم عن بعض إنه اتغير وبقى واحد تاني واللي حصل زمان مش هيحصل تاني، اديته فرصة وقتها ورجعت عشان خاطرالولاد».
حكايات محكمة الأسرة.. عايزني أنا اللي أصرف على مزاجه
أنهت «صفاء» حديثها وقالت: «رجعتله 7 شهور كانوا أنيل من الـ 10 سنين اللي فاتوا مكنش بطل المخدرات وكان بيضحك عليا بعد ما رحعنا بشوية لقيته نفس الوضع لسه بيشرب مخدرات، وقتها قالي معلش مقدرتش أبطل بس هحاول وخليكي معايا ومتسيبنيش كان عايز بس انه يستغلني عشان أقعد أنا أصرف عليه طلع إنه رجعني عشان كان فاكر إني لما أرجع أنا اللي هصرف على البيت، ورفعت عليه قضية خلع تاني».
تابع أحدث الأخبار عبر
