محكمة الأسرة اليوم
محكمة الأسرة.. نهى: طلع حرامي شقق بيسرق الناس عشان يجيب حق كيفه
أعتاب محكمة الأسرة كانت هي الحل الأخير الذي توصلت إليه نهى من خلال دعوى خلع أقامتها بعد معاناة مع زوجها دامت لأكثر من عشر سنوات بسبب إدمانه المفرط الذي كان السبب في كل المشكلات التي وجدت نفسها لا تعرف كيف تتخلص منها، وكانت الإجابة في نهاية المطاف هي محكمة الأسرة.
قصص محكمة الأسرة.. حياتنا اتشقلبت بعد أول سنة
تستهل نهى حكاياتها لقاضي المحكمة مؤكدة على أنها حاولت بشتى الطرق للحفاظ على حياتها ولكن زوجها كان مصر على هدم كل شيء، تتابع: "كان كويس معايا أول سنة بس بعد كدا شوفت حد تاني خالص في المعاملة وفي كل حاجة، مكنتش فاهمة في اية في الأول واية معاملته الغريبة دي بس بعد كدا فهمت إنه عرف المخدرات وبقا يشرب".
عجائب محكمة الأسرة.. خلص سرقة البيت ودخل على الجيران
في بداية معرفتها بتعاطيه للمخدرات لم تظن أن الأمر يصل لهذه المرحلة من الإدمان المفرط، قالت نهى: " كنت فاكرة إنه هيشرب تفاريحي كدا بس زي ما هو قالي بس لقيت الموضوع عمال بيزيد معاه اكتر واكتر وهو بقا واحد تاني خالص، وبقا ممكن يعمل اي حاجة عشان يجيب فلوس المخدرات"، تابعت: "وصلت لدرجة إنه ممكن يسرق أي حاجة في البيت عشان مزاجه، ولما خلص حاجات البيت ودخل على الشارع".
حكايات محكمة الأسرة.. مش عارفة أوري وشي للناس
بدأت تتلقى الشكاوي من جيرانها بسبب سرقة الزوج لبيتهم من أجل الحصول على ثمن مزاجه وكيفه، بعدما كثرت الشكاوي قررت اللجوء إلى محكمة الأسرة ورفع دعوى خلع تنفذها، أنهت نهى حكاياتها قائلة: "مبقتش عارفة أوري وشي للجيران من جوزي اللى بقى معروف عنه حرامي الشارع، سبت البيت وخدت العيال ورفعت عليه قضية خلع عشان اخلص من قرفه ومشاكله اللي مبتخلصش دي".
تابع أحدث الأخبار عبر
