أخبار محكمة الأسرة
محكمة الأسرة .. سهام: بقالي سنين بتعاير بالجنيه اللي بيتصرف عليا
كانت محكمة الأسرة هي الباب الذي طرقته «سهام» بعدما تعقدت الأمور مع زوجها الذي كانت الحياة معه صعبة ومليئة بالمشاكل، كان الزوج لا يحترم زوجته ولا يقدرها طوال حياته معها وكان كلما صرف عليها أي مبلغ من المال كان يذلها ويهينها ولا يعطيها حقوقها، وبعد تحمل الزوجة لزوجها لسنين عديدة اوصلها في النهاية لمحكمة الأسرة حتى تحصل على حريتها من السجن الذي عاشت فيه مع زوجها.
قصص محكمة الأسرة.. المشاكل بيني انا وجوزي كانت زي اي اتنين متجوزين
قالت «سهام» في بداية حديثها : «أنا اتجوزت من ١٨ سنة، خلفت من جوزي ٣ ولاد، كنت قرايب من بعيد، اتجوزنا والحياة في الأول مكنش فيه مشاكل بينا غير العادية وحتى المشاكل بينا كانت زي اي اتنين متجوزين وبتتحل عادي، والدنيا كانت ماشية المشاكل بدأت بعدين وكانت بتزبد كل مادى».
حكايات محكمة الأسرة.. بيبخل عليا انا وولاده وبيصرف على أهله
تابعت «سهام» حديثها قائلة: «المشاكل مع جوزي كانت على المصاريف كانت كل مادى بتزيد، كان مبيصرفش غير على قد الاكل والشرب بس، كان بيشتغل ومعاه فلوس بس كان بيبخل عليا وعلى ولاده كان حتى لو بيصرف بيصرف على اهله وبس، اشتغلت عشان اشيل نفسي وعيالي وملقتش منه اي تقدير او احترام».
دعاوي محكمة الأسرة.. بيذلني على الجنية اللي بيصرفوا علينا
أضافت الزوجة: «كان لو اداني جنية لمصاريف الأكل والشرب يفضل يعايرني بيهم، حتى مصاريف العلاج كان مش بيديهاني ليا أو للعيال، عيشت معاه سنين بهدلة وذل وإهانة واستحملته عشان خاطر العيال ميتبهدلوش لو اتطلقنا ومخربش بيتي لكن الحياة معاه كانت صعبة ومقدرتش اتحملها وكان لازم اخلص منه».
قضايا محكمة الأسرة.. لازم اخلعه واخد حقي منه
أنهت «سهام» حديثها قائلة: «لحد اخر كان في خناقة بيني وبينه بقوله عايزة للولاد فلوس رفض وعمل مشكلة وقتها تعبت منه وسيبت البيت، بعد ما مشيت كان عايزني ارجع وهو يعد عند والدته بس انا مش قادرة ارجعله تاني، لما بدخل البيت تاني بتخنق منه، لازم اخلص منه،».
تابع أحدث الأخبار عبر
