أخبار محكمة الأسرة اليوم
قضايا محكمة الأسرة.. علياء: عايشة مع عديم الشخصية وأهله سرقوا دهبي
تواجدت «علياء» في محكمة الأسرة لتبحث عن حلول للمشكلة التي وقعت فيها مع زوجها وأهلها الذي لم يقدروها أو يصونوها طوال فترة زواجهم، حاولت بكل الطرق أن تكسب عطف ومحبة أهل زوجها لكنهم كانوا يكرهوها ويعاملوها معاملة سيئة ولكن بائت محاولاتها بالفشل، وزادت معاملتهم السيئة اتجاهها وبسبب ضعف شخصية زوجها أمام أهله الذي لم يجعله يقدر على أن يعطي زوجته حقوقها جعل الزوجة تتوجه لمحكمة الأسرة حتى تحصل على حقوقها التي سرقها منها زوجها وأهله.
قصص محكمة الأسرة.. أهل جوزي ناس صعبة
قالت «علياء» في بداية حديثها: «أنا اتجوزت من 2015 خلفت من جوزي ولد وبنت الحياة كانت كويسة ومفيش مشاكل في الأول هو راجل طيب ومحترم اتقدملي عن طريق المعارف وسألت عليه هو وأهله والناس قالوا انهم كويسين، أهله كان باين عليهم أنهم ناس صعبة شوية بس أنا قلت اتحمل واحاول اخليهم يحبوني بالذات لأننا هنعيش في بيت عايلة».
دعاوي محكمة الأسرة.. أهل جوزي بيقوموا جوزي عليا
أكملت الزوجة حديثها: «اللي اكتشفته بعد الجواز أن أهل جوزي مش عايزني وعايزين يجوزوه لواحده قريبته تانية، وأنا مكنتش أعرف قبل الجواز، ده سبب معاملتهم اللي مش كويسة ليا، كانوا بيبهدلوني ويشتموني في الطلعة والنازلة، وأنا كنت بكبر دماغي وأقول بلاش أعمل مشاكل، كانوا بيقوموا جوزي عليا».
قضايا محكمة الأسرة.. جوزي ضعيف الشخصية قدام أهله
تابعت «علياء»: «جوزي كان شخصيته ضعيفة قدامهم بيسمع كلامهم في كل حاجة وأي حاجة يقولوها، كنت بسمعهم وهما بيقوموه عليا وهو كان بيضربني و يستقوى عليا عشانهم، ومبيقفش معايا خالص وبيصدق أي حاجة يقولوها عليا، كنت عايشه عشان خاطر ولادي لحد ما خلاص نفسيتي تعبت وصحتي تعبت ومبقتش قادرة اتحمل الوضع ده».
حكايات محكمة الأسرة.. مش عايزين يدوني حقي
أنهت «علياء» حديثها وقالت: «لحد ما قررت أسيب البيت ومرجعش تاني، ولما أهلي حاولوا يصلحوا بينا أهله رفضوا الصلح، ولما رجعت البيت عشان أخد حاجتي لقيتهم كسروا البيت وحمايا سرق كل دهبي عشان عايزني أسيب البيت وأطلق من غير ماخد حاجة، جيت رفعت قضية نفقة زوجية ونفقة صغارعشان خاطر ولادي وعشان أقدر أخد منه حقي».
تابع أحدث الأخبار عبر
