نشرة أخبار محكمة الأسرة اليوم الأربعاء 14/2/2024
محكمة الأسرة اليوم.. سمر: كسرلي مناخيري.. ورحاب متهيأله حاجات غريبة
محكمة الأسرة اليوم .. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، يعرض موقع الحادثة أخبار محكمة الأسرة اليوم من خلال النشرة التي يعرضها يوميًا.
محكمة الأسرة اليوم ..سمر: كسرلي مناخيري
توجهت سمر إلى محكمة الأسرة بعدما حاولت مرارا وتكرارا التعايش ومسايرة أحوالها ولكن الوضع الذي كان عليه زوجها كان سبب جميع المشكلات التي سكنت عش الزوجية، قالت سمر لقاضي محكمة الأسرة: "عديت كتير عشان خاطر البيت وكان عندي أمل إنه يتغير بس مفيش فايدة وأخر خناقة كان هيموتني فيها، قعد يضربني لحد ما كسرلي مناخيري خفت منه وخفت على العيال إنه ممكن يتهور ويعمل فيهم حاجة"، أخذت أولادها وقررت الهروب من هذه الحياة كي تحمي أولادها، وأنهت رواياتها قائلة: وكانت نهاية كل هذه الخلافات دعوى خلع في محكمة الأسرة منذ 5 شهور بعد ما كررت طلبها بالانفصال ولكنه رفض.
محكمة الأسرة اليوم.. رحاب: متهيأله حاجات غريبة وفاكر إني عملت علاقة مع ابني
خطت رحاب خطواتها نحو محكمة الأسرة بعد 15 عام من المعاناة مع زوج لا يعرف شيء عن المسئولية وتكون كل اهتماماته متجهة نحو المخدرات، تفاقمت المشكلات بعدما بدأ الزوج في الخرافات والتهيؤات التي جعلتها تفكر في الانفصال الحتمي عن طريق دعوى خلع في محكمة الأسرة، قالت رحاب للقاضي: "بقا بيتهيأله حاجات غريبة أوي، ولقيته في يوم راجع من برا وشافني أنا وابني الكبير خارجين من الأوضة قالي كنتوا بتعملوا إيه أنا شاكك فيكوا، مكنتش فاهمة في الأول بس بعد كدا فهمت إن قصده إني عملت علاقة مع ابني".
محكمة الأسرة اليوم.. سلوى: بيديني مصروف البيت بالقطارة وأخرها عايز يقسط المصروف
كانت دعوى نفقة في محكمة الأسرة هي اخر حل توسلت إليه سلوى بعد صراعات وخلافات بالكوم على مصروف البيت التي أرادت مروة زيادته ولكنه خلق فكرة جديدة لحل مشكلات المصروفات من خلال تقسيط المصروف الشهري، : "بعد خناقات وتدخل أهل وأهله قالوله تحدد مصروف شهري ليها هي والعيال وتدفعهولها كل شهر ووافق على الحوار دا، بس لما رجعنا البيت المشاكل كلها رجعت تاني عادي، ولقيته بيقولي أنا هديكي المصروف الشهري بس بالتقسيط، يعني كل أسبوع هديكي 300 جنيه، مفهمتش هو عايز إية وفي مصروف بيدفع بالتقسيط أصلا، سبت البيت ورفعت عليه قضية نفقة عشان الزوق مش نافع معاه خالص"
محكمة الأسرة اليوم.. مروة: كل ما أكلمه يقولي مش فاضي وفاكر المسئولية فلوس بس
قصدت مروة محكمة الأسرة ورفع دعوى طلاق بعد 5 سنوات من المعاناة التي عاشتها مع رجل لا يرعاها هي وابنهما الوحيد بحجة أن ليس الوقت الكافي لكي يهتم بهم، ما جعل المشكلات تتصاعد بسبب الموضوع ذاته حتى وصل إلى محكمة الأسرة في النهاية، أضافت مروة لقاضي محكمة الأسرة: "كل ما أكلمه على حاجة يطنشني ويقولي مش فاضي، كنت فاكرة لما أخلف الدنيا هتتظبط وهو هيتغير ويهتم أكتر بيا أنا وابني، كل ما أجي أكلمه في حاجة تخصنا يقولي مش فاضي ويسيبني ويمشي ويقولي مش أنا بصرف عليكي عايزة إيه تاني، فاكر المسئولية فلوس وبس"، أخر ما توسلت إليه مروة هي دعوى طلاق في محكمة الأسرة بعد ما سئمت من زوجها الذي لا يعرف عنها شيء هي وابنهما الوحيد.
محكمة الأسرة اليوم.. أميرة: بيبيع أي حاجة قدامه وعايز يضيع الشقة اللي حليتنا
دعوى تمكين أقامتها أميرة في محكمة الأسرة بعد مشكلات كثيرة استمرت لفترات طويلة كانت أخرها بسبب إصراره على بيعه لشقة الزوجية، شعرت بالخطر عليها هي والأولاد ما جعلها تلجأ إلى القضاء وتقييم دعوى تمكين تحافظ بها على حقها هي والأولاد، وتقول أميرة للقاضي: "بقا مجنون وبيبيع أي حاجة قدامه عشان مزاجه بس مكنتش متخيلة إنه يبقى عايز يبيع الشقة اللي حليتنا واللي قاعدين فيها أنا والعيال عشان يشتري مزاجه، كنت فاكراه الأول بيهزر بس لما لقيته مصر قلت لا دا أكيد اتجنن وعشان اضمن حقي وحق عيالي رفعت عليه قضي ة تمكين بقالي شهرين عشان منتشردش أنا والعيال".
تابع أحدث الأخبار عبر
