انت مش راجل.. المشدد 5 سنوات للمتهم بالشروع في قتل زوجته بأوسيم
انت مش راجل، قضت محكمة جنايات الجيزة، المنعقدة بمحكمة جنوب القاهرة، اليوم الخميس، بمعاقبة سائق توك توك، بالسجن المشدد 5 سنوات؛ لاتهامه بالشروع في قتل زوجته، بمنطقة أوسيم.
المشدد 5 سنوات للمتهم بالشروع في قتل زوجته بأوسيم
بدأت اعترافات المتهم بقتل زوجته في أوسيم: «أنا متجوز من سمر عيد عبده من حوالي سبع سنين، ربنا كرمنا بطفلين وإحنا من يوم ما اتجوزنا وهي عارفة إن أنا ظروفي المادية وحشة وفضلت تضغط عليا وكل شوية بتطلب مني طلبات أنا مش قادر عليها وأخذت قروض واستلفت فلوس لحد ما بقيت مديون بـ 40 ألف جنيه وهي مش بتراعي الكلام ده وكل اللي بتقولوا إن أنا ملزمة منك والمفروض تجبلي كل الحاجات اللي أنا عايزاها».
تابع: «أنا قولتلها أنا ظروفي وحشة ومش مقصر معاها في حاجة وبعمل اللي أقدر عليه لحد ما حصلت بيننا مشاكل وزعقنا مع بعض وكان عمها وأبوها بيجوا يصالحونا على بعض ونرجع وشوية ونعمل مشاكل تاني، لحد ما جت من أول إمبارح عايزه 400 جنيه علشان مصاريف بنتي في الحضانة».
وأردف: «قولتلها معيش فلوس اصبري عليا شوية لحد ما اتصرف وأجيب الفلوس وأسدد الديون اللي عليا؛ راحت قالتلي إن هي هتمشي وتسيب البيت وتاخد العيال معاها فشديت معاها في الكلام وقولتلها إمشي وسيبي العيال، راحت قالتلي إن انت مش راجل علشان لو راجل كنت هتكفيني أنا والعيال من المصاريف بتاعتنا وأول ما قالتلي كده راحت سابتني ودخلت أوضة النوم تلم حاجتها وروحت محستش بنفسي ومستحملش الكلام ده وجيت السكينة من النيش».
وأكمل المتهم بقتل زوجته: «دخلت وراها أوضة النوم وضربتها بالسكينة في بطنها راحت وقعت على السرير وكانت بتجيب دم فأنا اتخضيت وخرجت من الأوضة وخدت العيال ونزلت على طول الشارع وكلمت النجدة قولتلهم على اللي حصل وبعدها روحت مركز أوسيم سلمت نفسي وهو ده كل اللي حصل».
وأمام النيابة العامة اعترف عماد رشاد، 34 سنة، سائق توك توك، بارتكاب الواقعة والشرع في قتل المجني عليها سمر عبده موسى عمدا من غير سبق وإصرار بأن أمسك بعنقها فشل مقاومتها وسدد لها طعنات نافذة بسلاح أبيض، في القضية رقم 2759 لسنة 2023.
تابع أحدث الأخبار عبر
