أخبار محكمة الأسرة
محكمة الأسرة .. إسراء: خبط راسي في الحيطة لحد ما دمي اتصفى
دعوى خلع في محكمة الأسرة كانت هى الحل الأخير الذي قصدته إسراء لتنقذ نفسها من حياة انقلبت رأسًا على عقب في السنة الأخيرة من الزواج بسبب تغير الزوج الجذري في أسلوبه الهمجي الذي تخطى كل الحدود.
حكايات محكمة الأسرة .. كان هادي معرفش إيه اللي حصله
"معروف عنه إنه هادي ومش عصبي وبيتفاهم في أي حاجة بنتكلم فيها براحة" كانت هذه الكلمات الأولى التي بدأت بها إسراء لـ "الحادثة" مؤكدة أن حياتها أثناء الخطوبة وحتى في أول الزواج كانت حياتهما تتمتع بالاستقرار والهدوء لا المشاجرات التي تعاني منها الآن، تسترجع تغير زوجها المفاجئ وسبب قصدها محكمة الأسرة قائلة: "بقالي سنة بكتشفه من أول وجديد وحاسة إني مش عارفاه خالص، بقا واحد تاني وعلى طول صوت عالي وخناق على أي حاجة حتى لو تافهة وهو مكنش كدا خالص من أول الجواز، بس معرفش إيه اللي حصل خلاه يتغير كدا"
قصص محكمة الأسرة .. عايشة مع همجي
لم تجد أي مبرر لتغير الزوج بهذه الطريقة ولكنها كانت تحاول التغاضي عن أمور كثيرة حتى لا تتصاعد، تابعت إسراء: "كانت أكتر حاجة عجباني فيه إنه هادي مش كل حاجة ياخدها على أعصابه كدا، بس بقالنا سنة وحياتنا بايظة بسبب أسلوبه اللي مخلينا نتخانق ليل ونهار"، أضافت: "دا غير الضرب طبعًا اللي عرفه في أخر سنة، ضربني مرة واتنين وسكت وعديتها وقلت مش هيكررها تاني، بس لا كان بيزيد في الضرب".
أخبار محكمة الأسرة .. خبط راسي في الحيطة لحد ما دمي اتصفى
تستكمل رواياتها: "سبت البيت كتير وكنت بفكر في الطلاق بس كنت برجع فبي قرار عشان احافظ على البيت وأقول مش مهم، وأجي على نفسي عشان أعدي الدنيا"، أضافت إسراء: "مفيش فايدة فيه خالص، وبقا موضوع الضرب دا بالنسباله عادي جدًا، اخر مرة كنت بكلمه علة المصروف اتعصب عليا وضربني ومسك راسي قعد يخبطها في الحيطة لحد ما دمي اتصفى، كلمت أهلي يجوا لياخدوني ودا كان اخر يوم ليا في البيت"، أنهت حكاياتها لـ الحادثة مؤكدة أن هذا كان اليوم الأخير في منزل زوجها لتقرر بعد ذلك الذهاب لبيت والدها ورفع دعوى خلع لتنهي حياتها الزوجية بعد 7 سنوات.
تابع أحدث الأخبار عبر
