محكمة الأسرة.. سها: أنا وأهلي مستتينه في البيت وكمان مش عاجبه حاجة

كانت «سها» على أبواب محكمة الأسرة لتبحث عن حقوقها التي لم تستطيع الحصول عليها بطريقة ودية من زوجها الذي لم يقدر على تحمل المسؤولية يوما ولم يقدرها أو يصونها يوميًا في حياتهم سويًا، بالرغم من دعم الزوجة لزوجها ونزولها للعمل مكانه وتوفير مسكن له ولأبنائها ما وجدته في مقابل ما فعلته مع زوجها سوى القسوة والغدر عندما اختار زوجها المخدرات على حياته وأسرته التي بنوها سويًا، واضطر زوجته أن تتوجه لمحكمة الأسرة حتى تحصل على حقوقها منه

قصص محكمة الأسرة.. مشاكل في بيت العائلة

قالت «سها» في بداية حديثها: « أنا اتجوزت من ٢٠١٦ خلفت من جوزي ولد وبنت، طان جواز تقليدي اتقدملي وكان مناسب ووافقت عليه، لما اتجوزنا كنا عايشين مع أهله في نفس البيت رغم اني كنت رافضة بيت العيلة عشان المشاكل بس وافقت ، اتجوزنا والحياة في بيت العيلة كانت صعبة أوي».

حكايات محكمة الأسرة.. مبيقفش معايا قصاد أهله

تابعت «سها»: «أهله عملوا معايا مشاكل كتيرة جدا، وزي ما توقعت مشاكل بيت العيلة كانت كتيرة، مكنتش قادرة اتحمل كانوا تاعبني في عيشتي وعلى طول عايشة في مشاكل بسببهم وجوزي مبيقدرش يعمل حاجة قصادهم بيقولي أهلي مقدرش أخسرهم».

اقرأ أيضا

محكمة الأسرة .. مروة: مبيطيقش حد من أهلي وبيضربني كل ما أقوله رايحة عندهم

محكمة الأسرة .. مروة: جوزي حرق قلبي على ابني وخطفه مني

دعاوي محكمة الأسرة.. فلوسه ضايعة على المخدرات

أكملت الزوجة حديثها:« لحد ما أهلي قالولي سيبي البيت وتعالي اقعدي معانا انتي وجوزك وعيالك لما لقوني على طول متضايقة وتعبانة، لحد من قريب اكتشفت ان جوزي بيشرب مخدرات، وفلوسه كلها ضايعة عليها، لو اشتغل يشتغل عشان يصرف على نفسه بس وعلى مزاجه مش على عياله، كان لو معايا قرش ياخدوا مني ودخلي كله رايح على البيت والعيال».

قضايا محكمة الأسرة.. الحياة كلها بقت مشاكل بسبب المخدرات

أنهت «سها» حديثها: « الحياة كلها بقت مشاكل بسبب المخدرات اتخانقت معاه كتير إنه يتعدل ومفيش فايدة معاه، لحد آخر مرة حصلت مشكلة ساب البيت ومعرفش هو فين، وجيت عشان ارفع عليه قضية خلع واخلص منه ومن الحياة اللي عشتها معاه وهو مبيسألش فينا من بعد ما مشي وساب البيت.».

تابع أحدث الأخبار عبر