«سيبته بسبب البودرة».. هالة لمحكمة الأسرة: أهل طليقي واكلين حق بناتي بعد موت أبوهم
عاشت «هالة» حياة مستقرة مع زوجها لمدة عام كامل، حتى دخلت عليهما المخدرات، فدمرته قبل أن تدمر حياتها الأسرة وتيتم أبنائها، وتأتي إلى محكمة الأسرة ليس للوقوف ضده بل لمقاضاة عائلته التي لم تراعي حرمة الميت ولا صلة الرحم.
هالة لمحكمة الأسرة: أهل طليقي واكلين حق بناتي بعد موت أبوهم
كان الألم هو عنوان حياة «هالة» في حياتها مع زوجها مدمن المخدرات مليئة بالمشاكل، وبعد طلاقها منه ظنت أن المشاكل ستتوقف لكنها كانت مخطئة فكان هناك مشاكل على المصاريف مع الزوج السابق، ومنذ وفاته واجهت أهله الذي سرقوا حقها وحق بناتها في الورث الوحيد الذي تركه الأب لهم وهي شقة في بيت العائلة، وتوجهت في النهاية لمحكمة الأسرة حتى تبحث عن حقوقها.
جوزي مدمن مخدرات
"المخدرات دخلت البيت دمرت حياتنا" هذا ما بدأت به هالة حديثها عن حياتها مع زوجها، وتابعت: «جوزي في أول سنة جواز كان كويس وعايشين ومفيش مشاكل، اتجوزنا من8 سنين ونص وهو مدمن مخدرات من تاني سنة جواز، وانا اتطلقت منه بعد 6 سنين ، شفت معاه الويل واتبهدلت».
اتطلقت بسبب البودرة
أضافت هالة: «مكنش بيصرف علي أنا والعيال فلوسه كلها للمخدرات، وحاولت اعالجه لكن مفيش فايدة معاه، البودرة لما دخلت البيت مقدرتش اكمل معاه، كنت عايزة أخلص منه اتطلقنا ودي واتنازلت عن كل حقوقي لما لاقيت الوضع كدة».
بصرف على عيالي
كملت هالة: «بعد الطلاق رحت عيشت عند أهلي وكنت أنا اللي بصرف على البنات من معاش أبويا، مكنتش باخد منه نفقة رغم اني رفعت عليه قضية لأنه معهوش فلوس يدفع ومكنتش عايزة أعمل مشاكل معاه، وحاول يرجعني بس لسه بيشرب ومقدرش أرجعله».
اتوفى بسبب المخدرات
أكملت هالة: «لحد ما اتوفى بعد الطلاق بسنة بسبب المخدرات، وكان سايب شقة في بيت عيلة وأهله مش موافقين يدخلوني أنا وبناتي البيت، مش راضيين يدوا البنات حقهم وهما أولى بفلوس أبوهم، البنات معايا من ساعة ما اتطلقت عشان أخد بالي منهم ومطلبتش من حد حاجة من وقتها لكن ده حقهم».
دعوى وصاية
أنهت هالة حديثها: «جيت المحكمة عشان أرفع قضية وصاية عشان أخد حقهم من أهلهم عمهم وعماتهم مش راضيين يدوهم حقهم، وعايزين ياخدوا الشقة لعيالهم يتجوزوا فيها، ودي الحاجة الوحيدة اللي سابها أبو بناتي ليهم».
تابع أحدث الأخبار عبر
