"قلقت عليها وطلعت ضرتي".. نادية: صاحبتي اختفت يومين رجعت متجوزة جوزي
دعوى خلع أقامتها نادية في محكمة الأسرة بزنانيري لتنهي حياتها الزوجية مع الشريك الذي ظنت أنه سيكون العوض والسند لها، أعطت كل الأمان لصديقتها أنها تصون سرها وأنها ستساعدها على حل المشكلات بينها وبين زوجها ولكنها لم تعرف أنه ستكون ضرتها القادمة.
"مصدومة فيه هو وصاحبتي" بهذه العبارة بدأت الزوجة رواياتها لقاضي المحكمة مؤكدة على الصدمة التي تلقتها من زوجها وصديقتها التي ظنت أنها صديقة عمرها، تابعت: "كانت حياتنا زي الفل قبل ما صاحبتي تدخل في حياتنا، كنا بنتخانق الخناقات العادية ومكناش بنطول في الخلافات كتير، في كل مرة كنا بنتخانق فيها كانت صاحبتي بتقول لي أنا هحل كل حاجة متقلقيش، وكانت بتكلمه ومعرف شغيه الي بيحصل بقا".
حياتي باظت من ساعة ما صاحبتي دخلت فيها
أعطت الأمان لصديقتها بأنها ستحل لها كل المشكلات بينها وبين زوجها ولكنها كانت المفاجأة الكبرى للزوجة بعدما اكتشفت أنها سبب فرارها من حياتها وطلب الانفصال، أكملت باقي تفاصيل قصتها والصدمة تعتريها قائلة: "كنت واثقة في صاحبتي ثقة عمياء وإنها عمرها ما هتعمل أي حاجة تأذيني، بس طلعت هي السبب في كل المشاكل بينا، وحسيت إن في حاجة غلط بس كنت بكدب نفسي".
تابعت نادية: "بدأت أحس إنها متغيرة عليا وأنا معرفش إيه السبب بس برضو كنت واثقة فيها إنها مش هتعمل أي حاجة وحشة فيا، جيت في يوم لقيتها مبتردش عليا خالص ومش عارفة اوصلها وبدأت أقلق عليها".
اختفت يومين رجعت متجوزة جوزي
حاوط القلق نادية وبدأت تفكر في السبب وراء اختفاء صديقتها لتكتشف بعد أيام قليلة أن صديقة عمرها أصبحت ضرتها، تستكمل قصتها: "بعد كام يوم كدا عرفت إنه جوزي اتجوز صاحبتي، مكنتش مصدقة نفسي وكنت بقول يارب دا ميطلعش صح، بس للأسف طلع صح وطلعت ضرتي الجديدة"، انهت حديثها: "لما عرف إني خلاص عرفت كل حاجة قال لي مش هطلق حد فيكوا، مقدرتش استحمل ورحت رفعت عليه قضية خلع عشان أخلص منه".
تابع أحدث الأخبار عبر
