منار في دعوى طلاق: «بيتخانق معايا عشان بدخن»
7 سنوات من السعادة الغامرة التي حظيت بها منار في عش الزوجية مع رجل يحبها ويفعل كل ما تتمناه حتى ينال رضاها، ولكن تحولت الأمور في غمضة عين وبدأت المشكلات تعرف طريق حياتهما منذ اتجاه الزوجة للتدخين، رفض الزوج هذا الوضع ولكنها أصرت على عدم اقتلاعها عن التدخين، ما أدى لتفاقم المشكلات وتصاعد الأمور ووصولها لمحكمة الأسرة من خلال رفع دعوى طلاق.
بيتخانق معايا عشان بدخن
"بدخن مرة واحدة في اليوم ومش عاجبه" كانت هذه أول عبارة بدأت بها الزوجة قصتها لـ "الحادثة" مؤكدة على أن حياتها التي تحولت لوكر من المشكلات المستمرة بسبب رفض زوجها التدخين، أضافت: "عشت معاه أحلى 7 سنين جواز، والدنيا كانت كويسة جدنا بينا، بس كل حاجة اتغيرت من ساعة ما عرف إني بشرب سجاير وهو متغير معايا ومش عايزني أدخن".
حاولت أن أقنعه بموضوع التدخين ولكن الأمور تعقدت أكثر وأكثر، تسترجع منار بداية معرفتها بالسجائر فقالت: "أنا مكنتش بدخن خالص ومبحبش التدخين بس في مرة كنت خارجة مع صحابي، وفي واحدة منهم بتدخن قالت لي جربي، رفضت في الأول بس بعد دا جربت وحبيت الموضوع أوي"، تتابع: "من ساعتها وأنا بقيت بشرب سجاير ومكنتش معرفة جوزي، هو شك فيا كذا مرة بس كنت بقولها مش بشرب، بس في مرة قفشني وأنا بشرب السجاير ومن ساعتها بقا لبدأت الخناقات بينا كل يوم بسبب نفس الموضوع".
بشرب مرة واحدة في اليوم ومش عاجبه
أصرت الزوجة على الاستمرار بالتدخين رغم رفض زوجها على هذا الموضوع، وعندما وجدت تاني المشكلات تتصاعد يوم بعد يوم بسبب الموضوع ذاته لم تتحمل العيش بهذه الطريقة ما جعلها تفكر في الانفصال، روت منار باقي تفاصيل رواياتها وقالت: "بقينا نتخانق كتير أوي بسبب نفس الموضوع, أنا مبقتش قادرة استحمل أعيش في المشاكل دي كلها، مع إني بقيت اشرب مرة واحدة في اليوم بس عشان خاطر العيال بس هو برضوا مش عاجبه وعايزني ابطلها خالص"، اختتمت الزوجة حديثها قائلة: "حاولت أتكلم معاه كتير في الموضوع دا بس هو برضوا مصمم إني مدخنش، وكل يوم خناقات وأنا زهقت، سبت له البيت كتير بس خلاص مش هفضل كل شوية اسيب له البيت كدا، ورحت رفعت قضية طلاق عشان مبحبش المشاكل"
تابع أحدث الأخبار عبر
