«حرامي المعالق».. حنان: ميعرفشي في حياته غير الكيف وبيسرق أي حاجة عشانه
يكون الحل الأخير هو رفع دعوى خلع لإنهاء زواج فشلت فيه كل المحاولات الممكنة لإصلاح هذه الحياة المنهكة، وهذا الذي فعلته حنان بعد ما تاكدت أن حياتها لا تصلح للاستمرار أكثر من ذلك بهذه الطريقة مع زوج لا يلتفت إلا للكيف الذي دمر حياتهما.
حنان في دعوى خلع: بيبيعها عشان يجيب المخدرات
حلمت حنان مثلها مثل أي فتاة بالاستقرار والسعادة الذي يسكن عش الزوجية، ولكن الواقع كان غير الأحلام الذي رسمتها في خيالها، فكان مختلف تمامًا، بدأت الزوجة تروي قصتها قائلة: "كنت فاكرة إن الجواز كله بيبقى سعادة زي ما كنت بتخيل، بس الواقع طلع غير اللي بنشوفه في الأفلام خالص، ولقيت حاجة مكنتش متوقعاها أبدًا".
طلع مدمن مخدرات
لم تنل حنان من السعادة شيء سوى أشهر معدودة فقط، لتجد نفسها في واقع مرير بعد ما اكتشفت أن شريك حياتها مدمن مخدرات لا يعرف شيء في حياته سوى الكيف، فيفعل كل ما بوسعه من أجل الحصول على ثمن مزاجه، تابعت: “هو قعدنا بسب يدوب أول كام شهر كويسين والدنيا كانت تمام بس معرفش إيه اللي حصل بعد كدا، ولقيته متغير معايا وأسلوبه بقى غريب أوي، بعد فترة عرفت إنه بيضرب مخدرات”.
وأضافت: "حاولت أخليه يبطل في الأول ويركز مع البيت والعيل اللي جاي في السكة دا ابس هو ولا كأنه هنا، وكأني بتكلم أصلًا".
بيبيع معالق البيت عشان يجيب الكيف
فشلت كل محاولات حنان التي أرادت بها أن تصلح حياتهما الذي خربها ولكن أصبح حياتها لا تصلح لأي شيء سوى، خصوصًا بعد بدأ الزوج في سرقة أغراض المنزل حتى يتحصل على ثمن مزاجه.
تستكمل الزوجة باقي تفاصيل قصتها وتقول: "تعبت معاه بقالي كتير وهو مش نافع معاه حاجة ومش عايز يتغير، الغريب بقى اللي خدت باليمنه إنه بيسرق المعالق من البيت عشان يبيعها ويجيب بالفلوس القرف اللي بيشربه دا، دماغه فوتت خالص ومبقاش في وعيه ومبقاش عارف هو بيعمل إيه"، لم تتوصل حنان لحل سوى أنها تقييم دعوى خلع تنقذ بها نفسها وأولادها، عزمت على التوجه لـ محكمة الأسرة ورفع دعوى خلع، ولا تزال القضية منظورة في المحكمة حتى الآن.
تابع أحدث الأخبار عبر
