رحاب في دعوى طلاق: عايز يموتني أنا والعيال ويدينا حقنة هوا
إهانة تتعرض لها رحاب من بداية الزواج بسبب همجية الزوج الذي لم تجد لها أي مبرر ما جعلها تستغيث بـ محكمة الاسرة عندكما شعرت أن حياتها هي والأولاد في خطر ويجب عليها إنقاذها من تهور والدهم بعد ما أراد إعطاء حقنة هواء فارغ لكي يقتلها.
تستهل الزوجة الحديث لـ "الحادثة" مؤكدة على معاناتها التي تعيش فيها منذ سنوات طويلة من أجل أولادها ولكن بعد ما فاض بها الكيل قررت الهروب من حياة تشعر فيها بالخطر، تتابع رواياتها قائلة: "متجوزين عن قصة حب كبيرة بينا وكنت فاكرة إني هعيش أحلى حياة معاه في بيتنا بعد الجواز، بس في الحقيقة نت غلطانة عشان مشوفتش معاه غير سنة بس عدلة من بعد السنة دي وحياتي كلها سودا معاه"، أضافت: "كان أول سنة كويس معاتيا ومفيش أي مشاكل، بس معرفش إيه اللي حصل بعد كدا وبقا واحد تاني خالص غير اللي عارفاهن على طول ضرب وشتيمة فيا أنا العيال".
مفيهوش ميزة
تفاجئت الزوجة بشخصية مختلفة تمامًا عن الذي تعرفها من قبل ولكنها حاولت التأقلم معه بكب الطرق ولكن فشلت كل المحاولات بسبب أفعاله التي لم تجد لها أي مبرر، تستكمل الزوجة رواياتها: "بيتعصب على أي حاجة على طول من غير ما يحصل أي حاجة أصلا، كنت كل خناقة بعدي عشان مخربش البيت بس هو مكنش بيراعي البيت ولا العيال ولا بيعمل حساب لأي حاجة خالص"، تضيف إلى حديثها: "حتى المصاريف باخدها منه بالعافية، مع إنه بيشتغل دكتور ومعاه فلوس يصرف عليا أنا والعيال كويس جدًا بس هو مش عايز يصرف جنيه علينا".
عايز يموتني بحقنة هوا
تحملت الإهانة التي تعيشها من أجل أولادها ولكن عندما وصل الأمر لتهديدها بالقتل، شعرت الزوجة بالخوف على أولادها، لذلك قررت التوجه لمحكمة الأسرة فورًا ورفع دعوى طلاق لتتخلص من زوجها المجنون، تختتم الزوجة الحديث: "مكنتش متخيلة جنانه يوصل لدرجة إنه يهددني بالقتل وبقا كل شوية يقول لي هموتك بحقنة هوا انتي والعيال، لما بقى يكررها كتير خفت على العيال إنه ممكن يتهور ويعمل فيهم حاجة، خدت العيال ومشيت على طول عشن ارفع عليه قضية طلاق".
تابع أحدث الأخبار عبر
