هبة بـ دعوى طلاق: "معتبرني مش موجودة في حياته"
وقع نصيب "هبة" في رجل منعدم الشخصية يتبع اراء والدته في كل شيء دون اعتبار لزوجته التي من المفترض أنها تكون شريكة حياته تقاسم معه كل الأحزان والأفراح، ولكن الزوج فكر بطريقة مختلفة عنها وجعل والدته هي الشريكة له في كل شيء، لم تتحمل الزوجة الاستمرار في الحياة بهذه الطريقة ما جعلها تلجأ للقضاء من أجل إقامة دعوى طلاق.
"ملهوش كلمة ولا شخصية وكل حاجة لازم يشوف أمه الأول رأيها الأول" بهذه الكلمات بدأت الزوجة حديثها مؤكدة على أن أكبر معاناته مع زوجها هو أنه منعدم الشخصية ويتبع والدته في كل شيء، بدأت هبه حديثها لقاضي محكمة الاسرة وأول ما قالته هو: "كنت فاكراه غير كدا خالص وليه شخصية وكلمة بس طلعت غلطانة، وانا ليا شخصية عنه، في الخطوبة كان مبين لي إن الكلمة كلمته وإن هو اللي بيقول كل حاجة، بس بعد الجواز لقيت واحد تاني خالص".
بيحكيلها كل أسرار البيت
كانت كل المشكلات التي تحاصر منزل الزوجية بسبب إنه يتبع رأي والدته في كل شيء دون أن يعطي لزوجته أي اعتبار، تابعت هبه: "اتفاجئت بعد الجواز بواحد غير اللي كنت أعرفه خالص، من أول الجواز وأنا لقيت كل ما حاجة تحصل لازم ياخد رأي مامته الأول، كنت بقول عادي عايز يعرف رأيها في موضوع معين، بس لما الموضوع اتكرر اكتر من مرة قلت لا كدا كتير"، أضافت: "طلبت منه إن حياتنا الشخصية محدش يعرف عنها أي حاجة حتى لو أهلي وأهلك، بس هو رفض وقال لي ازاي مينفعش اخبي علي أمي أي حاجة ولازم اخد رأيها في أي حاجة بنعملها".
معتبرني مش موجودة في حياته
بدأت المشكلات تتصاعد بسبب تصرفات الزوج ما جعلها تفكر جديًا في موضوع الانفصال الحتمي منه بسبب عدم قدرتها اتحمل على العيش مع رجل عديم الشخصية بهذا الشكل، تستكمل الزوجة الحديث: "كلمته كتير وعرفته إني مضايقة بسب إنه كل حاجة لازم يحكيها لأمه ومش معتبرني موجودة أصلاً، بس هو مكنش بيهتم بكلامي خالص، لحد ما خلاص جبت أخري خلاص ومبقتش مستحملة أعيش مع واحد ملهوش شخصية ولا كلمة وماشي ورا كلمة أمه بس، ورفعت عليه قضية طلاق بقالي 6 شهور ولسة ماشية في الإجراءات".
تابع أحدث الأخبار عبر
