«البخل بيجري في دمه».. سعاد بدعوى نفقة: مجوعني أنا والعيال
مشادات بالكوم حاصرت منزل الزوجية من جميع الجهات بسبب البخل الذي عاشت فيه "سعاد" من بداية الزواج، تحملت بخل زوجها الشديد الذي لا يطلق أهون من حصولها في يوم من الأيام على لقب مطلقة، ولكن ارتبط الامر بجوع شديد عانى منه صغارها قررت رفع قضية نفقة على زوجها لعلها تكون الوسيلة الوحيدة التي تضغط عليه لينفق عليهم.
البخل بيجري في دمه
“مش عايشين زي بقية الناس، ”بطلع منه الجنيه بالعافية" كانت هذه أول الكلمات التي بدأت بها الزوجة رواياتها للقاضي تستغيث به لينقذها من بخل زوجها الذي لا تعرف كيف تتعايش معه، تستكمل قصتها: "في الخطوبة مكنش بخيل خالص وكانت إيده فرطة على طول، بس معرفش إيه اللي حصل بعد الجواز، لقيت واحد تاني غير اللي أعرفه، مش عايز يصرف عليا"، أضافت: "الجنيه أبوه وأمه وجوعني أنا والعيال على طول ومش عارفة اتصرف معاه ازاي، في أول الجواز كنت بقول معلش يمكن ظروفه مش سامحة بس اللي اكتشفته بعد كدا إن دا أسلوب فيه".
تحملت زوجها البخيل وهي بمفردها ولكن الوضع يختلف مع موجود الأطفال، أصبح كل همها إطعام صغارها الذي لا يهتم الأب لهم، تستكمل قصتها قائلة: "كنت بستحمل كل الظروف وأنا لوحدي بس دلوقتي الموضوع اختلف وبقى في أطفال، كنت فاكرة إن عياله هتهون عليه بس للأسف مفيش فايدة فيه، مش فارق معاه عياله ياكلوا ولا يموتوا من الجوع حتى، المهم إنه ميخرجش جنيه من جيبه".
بيخبي من الشاي والسكر
تابعت: "كل مرة كنت ببقى عايزة اتطلق خلاص بس كل الناس كانت بتخوفني من لقب المطلقة وإني مش هتجوز تاني ، فلما كنت بفكر في كلامهم كنت برجع في كلامي، بس تعبت والعيال بقوا صعبانين عليا ومش قادرة اشوفهم جعانين كدا واسكت، وصل بيه الحال إنه يخبي مني الشاي والسكر عشان معملش شاي".
قررت الزوجة إنهاء حياتها الزوجية التي يحاصرها البخل من جميع الجهات، وأسرعت نحو محكمة الأسرة لرفع دعوى نفقة، وأنهت قصتها وقالت: "بعد ما جبت اخري خلاص منه قلت مفيش غير القضايا اللي هتجيب لي حقي منه، وخدت العيال ومشيت عشان ارفع عليه قضية نفقة وبقالي 3 شهور ماشية في إجراءات القضية، ومستنية بس يتحكم لي بالنفقة عشان أرفع قضية طلاق وأخلص منه خالص".
تابع أحدث الأخبار عبر
