أروى في دعوى خلع: قلب البيت غرزة وطردني في نص الليل بقميص النوم
كانت «أروى» في أول حياتها مثل أي بنت وكان حلمها أن تتزوج ويصبح لها بيت وأسرة لكن انتهى حلمها في تكوين أسرة بسبب زوجها الذي لم يرعاها أو يكون سند لها.
"طردني من البيت في نص الليل عشان بقوله يبطل مخدرات" هذا ما قالته «أروى» عن أفعال زوجها الذي أوصلها في النهاية لمحكمة الأسرة حتى تنهي حياتها معه وترفع دعوى خلع، اتجه زوج «أروى» للمخدرات ومن وقتها كانت نهاية زواجها به حتمية، وفوق إدمانه للمخدرات كانت الحياة معه صعبة بسبب أفعاله وتدخلات أهله، ولم ترى «أروى» مع زوجها أي رحمة أو معاملة حسنة وهي الآن لا ترى أي أمل في مستقبلها بالرغم من صغر سنها.
اقرأ أيضا
اتجوزت عن حب والمشاكل زادت بعد الخلفة
قالت «أروى»: أنا اتجوزت من 7 سنين وكان جواز عن حب، في أول الجواز مكنش في مشاكل والحياة كانت عادية، خلفت ولد وكنا مبسوطين جدا سوا، المشاكل بينا بعد كدة بقت بسبب أن المصاريف زادت من بعد الخلفة.
أمه متحكمة في كل حاجة وماشي بكلمتها
تابعت «أروى»: المشاكل مع الوقت كانت بتكتر كل مادى عن الأول، أمه كانت متحكمة فيه وبتتدخل في كل حاجة في حياتنا وهو بيسمع كلامها في كل حاجة وهي تحكماتها كانت زيادة، بس أنا كنت بستحمل وأعدي عشان ميحصلش مشاكل.
قالب البيت غرزة ليه هو وأصحابه
أضافت «أروى»: لحد من سنة تقريبا بقي بيشرب مخدرات، وبيجيب صحابه بيسهروا ويشربوا مخدرات في الشقة، في مرة كلمته وقلتله إنه مينفعش اللي بيعمله ده والمفروض يبطل مخدرات ويتعالج، طردني الساعة واحدة بليل بقميص النوم، اخوه هو اللي دخلني ساعتها بيته، وساعتها خدت ابني ومشيت رحت عند أهلي ومرجعتش تاني.
بقاله 3 سنين مبيسألش على ابنه
أكملت «أروى» كلامها وقالت: من ساعة ما مشيت وسيبت البيت هو مبيسألش عليا أنا وابنه، ابني كان عنده 4 شهور لما مشيت ودلوقتي عنده 3 سنين، وهو مبيصرفش علي أنا وابنه، ولا بيسأل علينا والمخدرات خلت حاله أسوء، ورفعت عليه دعوى خلع عشان هو مش في وعيه إنه يطلقني حتى، ورفعت عليه قضية نفقة عشان خاطر حق ابني.
تابع أحدث الأخبار عبر
