«معندوش دم ولا إحساس».. سهير: سنتين ميعرفش عننا حاجة ولما العيال تروحله يطردهم
نعم منزل الزوجية بحياة أسرية مستقرة لمدة 13 عامًا بالكامل، ولكن قرر الزوج فجأة بدون سابق إنذار ترك زوجته وأولاده والذهاب بعيدًا عنهم دون أن تعرف السبب وراء هجره لهم، سنتان بالكامل حاولت الزوجة فيهم عودة الزوج للمنزل، ولكن كل المحاولات فشلت معه، وكان أخر امل لها في عودته عندما أرسلت له الأولاد حتى يحن ويرق قلبه ولكنها وجدته بلا قلب وطردهم بلا رحمة لمجرد أنهم طلبوا رؤيته.
"معندوش دم ولا إحساس" كانت هذه الكلمات الأكثر تعبيرًا في وصف زوج سهير الذي انعدمت داخله كل مشاعر الرحمة والإنسانية لدرجة أنه هان أن يترك أولاده الأربعة لا يعرف عنهم أي شيء منذ سنتان.
تتابع الزوجة: "كنا عايشين زي الفل ومفيش أي مشاكل بس معرفش إيه اللي حصل مرة واحدة، مبقاش جوزي اللي أنا عرفاه خالص طريقته وأسلوبه اتغير معايا أنا والعيال وأنا مش عارفة السبب بس كنت بقول عادي ممكن مشاكل عنده في الشغل بس معاملته اللي زي الزفت طولت أوي".
سايب البيت بقاله سنتين
في البداية ظنت الزوجة أن سبب تغيره هو مشكلات طبيعية في العمل ولكن عندما زادت معاملته الغربية معها هي والأولاد تأكدت أنه يوجد شيء مريب.
أضافت سهير: “مبقاش يتعامل غير بأسلوبه المقرف ده وأنا لسه مش فاهمة إيه السبب، وكل ما أكلمه يقول لي مفيش حاجة وأنا كدا ومعرفش افهم منه إي حاجة، بس أنا كنت متأكدة إن في حاجة هو مش عاوزني اعرفها”.
تستكمل الزوجة قائلة: "فجأة لقيته اختفى ومرجعش البيت وكلمته لقيت موبايله مقفول بس بعد كام يوم فتح الموبايل ولما رد عليا أول حاجة قالهالي أنا مش جاي البيت تاني واللي عندك اعمليه".
كل ما العيال تروح له يقفل في وشهم الباب
تابعت: “حاولت أتكلم معاه كتير واخليه يرجع عن قراره دا ويرجع لبيته وعياله بس مفيش فايدة وهو برضوا مصمم، لما عرف إنه قاعد غي شقة قريبة مننا خليت العيال تروح له يمكن قلبه يحن عليهم بس ولا الهوا وهما كانوا كل شوية يقولوا لي عايزين نشوف بابا”.
تضيف سهير: "كنت غلطانة عشان طلع معندهوش قلب أصلا، وكل ما العيال تروح له عشان تشوفه يطردهم ويقفل في وشهم الباب، على الحال د بقالنا سنتين، لما عرفت إن مفيش فايدة خلاص رفعت قضية طلاق".
تابع أحدث الأخبار عبر
