«مستغفلني من الخطوبة».. سمر في دعوى طلاق: "قفشته بيخوني يوم الصباحية"
خيانات كثيرة تغاضت عنها "سمر" طوال فترة الخطوبة وهي تتوسم فيه الصلاح وأنه يتغير بعد الزواج ولكن سريعًا ما تتأكد أن محاولاتها وتوقعاتها ضاعت هباءً من ثاني يوم زواج وضاعت معها أحلامها السعيدة التي بنتها في عش زوجها الجديد مع شريك حياتها.
"خاني في الخطوبة كذا مرة بس أنا كنت بعدي عشان كنت بحبه وعشان مبوظش الجوازة"، هذه أولى كلما سمر في قصتها التي أكدت فيها على أن الزوج خائن من قبل الزواج ولكنها كانت متأكدة ان بعد الزواج كل شيء يتغير ولكن في الحقيقة كل شيء تغير للأسوأ.
تابعت الزوجة: "عرفته من الشغل ومكنش باين عليه خالص إنه بتاع بنات وشكله محترم، جه كلمني واتعرفنا على بعض وبعدين جه اتقدم لي واتخطبنا وفي فترة الخطوبة اكتشفت إنه بيخوني".
أضافت: "صممت إني افسخ الخطوبة بس كل الناس قالتلي عادي دي وزة شيطان وهتروح لحالها بعد الجواز، عديتها وهو كمان قال لي مش هتتكرر تاني خلاص صدقت كلامهم وقلت بعد الجواز هيبقى حاجة تانية".
بيخوني في يوم الصباحية
تزوجت “سمر” من خطيبها وهي متأكدة ان خيانته لها في الخطوبة لن تتكرر مرة ثانية ولكنها مخطئة لأنها تكررت في ثاني يوم من الزواج، هنا كانت الصدمة الكبرى التي هدمت كل مخططات الزوجة السعيد لشهر العسل وأصبح شهر التعاسة بالنسبة لها.
أكملت الزوجة حديثها لـ "الحادثة": “تاني يوم جواز واحنا لسه في الصباحية سمعته بيتكلم في التليفون أنا قلت عادي أكيد بيكلم واحد صاحبه بس لما ركزت عرفت إنه بيكلم واحدة”.
تابعت: "أنا مصدقتش نفسي وقلت أكيد في حاجة غلط بس لما دققت عرفت إنهم بيكلموا بعض من أيام الخطوبة وبيقولها عليا أنا أصلا مكنتش عايزها، والكلام بينهم كان واصل لمرحلة مش كويسة خالص وكلام خارج كتير".
مكمل في خيانته ومش مركز معايا خالص
تحولت سعادة الزوجة لتعاسة تغمرها ولا تدري ما الذي جب عليها فعله، وقررت أن تداري خيانته ولم تخبره حتى لا تتصاعد الأمور على أمل أنه يغير رأيه ويلتفت لحياته ولكنه ظل مستمر في خيانته لها، تابعت الزوجة: "سكت ومتكلمتش عشان مكبرش الموضوع ومكسرش فرحة أهلي بيا في يوم الصباحية وعديتها حتى متكلمتش معاه، لقيت الموضوع بيزيد معاهم وهو ولا سائل فيا خالص وحاسة إني هوا قاعدة في البيت مليش أي لازمة".
استكملت: "فضلنا على الحال دا كذا شهر ولما جيت أقوله إني عرفت حاول يكدب بس أنا قلت له انا عرفت كل حاجة خلاص، قالي خلاص مش هتتكرر عديها، وعديتها فعلاً بس برضوا مفيش فايدة رج يكلمها تاني، سبت له البيت وأنا حامل في الشهر السادس ورفعت قضية طلاق".
تابع أحدث الأخبار عبر
