الرئيس السيسي: «كفاية برامج طبخ لازم نوعي بناتنا ازاي تحافظ على نفسها وصحتها»
شهد الرئيس عبد الفتاح السيسي، اليوم الإثنين، جلسة "العدالة الاجتماعية والصحة"، وذلك ضمن فعاليات اليوم الثالث من "مؤتمر حكاية وطن، بين الرؤية والإنجاز"، المنعقد بالعاصمة الإدارية الجديدة.
الرئيس السيسي يشهد فعاليات اليوم الثالث من مؤتمر حكاية وطن
حضر الجلسة رئيس مجلس الوزراء الدكتور مصطفى مدبولي، وعدد من الوزراء وكبار رجال الدولة، وممثلي المجتمع بأطيافه، والخبراء والمتخصصين في شتى المجالات.
وقال الرئيس عبد الفتاح السيسي: احنا بنحرص على أن تكون هناك صناديق نجمع فيها أموال ونستثمرها والعائد منها نستخدمه في خدمات كثيرة.
وأضاف الرئيس عبد الفتاح السيسي، خلال مؤتمر حكاية وطن: كل اللي أنا بقوله ده هي أفكار، ولو أنا اديت فلوس الصندوق كلها للدكتور معيط ولا قد كده 10 مرات".
الرئيس السيسي: العزيمة ساهمت في تنفيذ مشروع إنتاج البلازما والشركات العالمية لم تتعاون معنا
وأوضح: "أنا عمري ما اتكلمت عن صندوق تحيا مصر، وقلت للناس إذا كنتوا عايزين تقدموا حاجة لبلدكم صندوق تحيا مصر يقوم بدور كبير جدا، ويقوم بدور في أي حاجة نتزنق فيها نقول خدوا من الصندوق مليار أو 2، وبالمناسبة الفلوس الموجودة في الصناديق دي تحت إشراف مباشر ليا أنا".
واستكمل الرئيس عبد الفتاح السيسي، في تعليق له على كلام الدكتور خالد عبد الغفار وزير الصحة، بخصوص أن نسبة اكتشاف مرض سرطان الثدي في المرحلة الأولى أصبحت 29% بعد أن كانت 70%، وقال: "لازم نعلم الناس تكشف على نفسها يا خالد، وأنا مش راضي عن النسبة ديه واحنا ممكن نخليها صفر".
وقال الرئيس: "لا بد من الكلام وشرح الأفكار، النسبة غير مرضية ولا بد أن لا يرضى عنها المصريون.. يجب أن نعلم الناس إزاي تكشف على نفسها وندعو البنات أنها تتعلم أنهم يخلوا بالهم من الموضوع ده، علشان ما تتجرحش ولا يتكسر خاطرها، لأن أي حاجة من دي لما نعرفها بدري بتبقى تكلفتها قليلة، ومش بنتكلم في التكلفة هنا، وده اللي بيخلينا نعمل المبادرات علشان مش عاوزين حد يتألم".
وزير التموين للرئيس السيسي: انخفاض السلع التموينية وإجراءات حازمة لضبط أسعار الأرز
وفي حديثه بمؤتمر حكاية وطن قال الرئيس: "مش عاوز حد من الموجودين أو اللي بيسمعونا يزعل مني، بدل ما نقعد على برامج الطبخ، كل شوية مطبخ مطبخ مطبخ، لازم يكون في حاجات تانية، مفيش برنامج شوفته بيتكلم في عادات صحية ورياضية محدش بيتكلم فيه خالص، لازم يبقى في توعية مش علشان إحنا مش قادرين نعالج، لكن علشان اللى بيتأذى بيتألم واحنا مش عاوزين حد يتألم".
تابع أحدث الأخبار عبر
