بقي مجنون.. عزة في أغرب دعوى طلاق: بيقول لي قومي اقفي متقعديش
عش زوجية هادئ مستقر مع زوجان متفاهمان ولكن تحول كل هذا بمجرد قرار الزوج بالاتجاه نحو طريق المخدرات الذي قلب حياتهما رأسًا على عقب بسبب تغيب عقله وتصرفاته الغريبة التي كانت تتعجب لها الزوجة من غرابتها، حاولت مرات عديدة التعايش معه لكنها أصبحت خائفة من تصرفاته التي تزداد كل يوم في الغرابة ما دفعها ترفع دعوى طلاق.
"بقى مجنون" هذه العبارة استهلت بها «عزة» قصتها، مؤكدة على أنه كان رجلا عاقلا لا يعرف طريق المخدرات ولكنها لا تدري ما الذي حدث ما أدى لتصرفه تصرفات غريبة جعلتها تتعجب منه، تابعت: "كان الأول طيب ومحترم وميعرفش أي حاجة عن المخدرات والشرب بس من ساعة ما بقى يقعد على القهوة كتير اتلم على شلة ما يعلم بيها إلا ربنا وهو بقا واحد تاني معرفهوش".
كان واحد تاني في الخطوبة معرفش إيه اللي حصل له
استرجعت «عزة» معاملته معها في الخطوبة وقالت: "هو كان جارنا وجه أتقدم لي واتخطبنا وطول فترة الخطوبة وهو واحد مجتهد في شغله جدًا وميعرفش يعني إيه سهر على القهوة ولا الشرب ولا أي حاجة من حاجات المنتشرة دي".
تعجبت الزوجة من تحوله المفاجئ في كل شيء وتغيره الملحوظ في شخصيته ما جعلتها تتسآل عن سبب التغير ولكن مع التمادي في تصرفاته الغريبة وسهره خارج البيت جعلها تتأكد أنه عرف طريق المخدرات، أكملت حديثها: "في أول الجواز كان كويس معيا جدًا وكل حاجة تمام وبيحب يقعد في البيت وأنا اللي كنت بتحايل عليه يخرج بالعافية من كتر ما هو مبيحبش الخروج".
أضافت عزة: "فجأة من تالت سنة جواز بقى كل يوم يقول لي أنا نازل على القهوة يا إما خارج مع صحابه والموضوع كتر أوي وكمان بقى يرجع لي نص الليل يطوح وباين عليه القرف اللي بيشربه".
بيقول لي قومي اقفي متقعديش
تابعت: "بقى يعمل حاجات غريبة في البيت وبقيت أخاف منه، وبقى كل يوم بيزنبني وبيخليني أقوم أقف ويقولي متقعديش، اتخانقت معاه بسبب الجنان اللي هو بقى فيه دا لحد ما بقيت مش قادرة استحمل خلاص وهيجنني معاه".
لجأت عزة لمحكمة الأسرة بعد ما تحول الزوج لشخص غير عاقل يتصرف تصرفات غريبة الأطوار لا تعرف كيف تتعايش معه، رفعت دعوى طلاق منذ شهر ونصف ولا تزال القضية منظورة في المحكمة حتى الآن.
