نجاة مدير أعمال تامر حسني في حادث سير بطريق العلمين.. صور
نجا تامر يحيي مدير أعمال النجم تامر حسني من الموت في حادث سير مروع، أدى إلى تحطم سيارته بالكامل وخصوصًا من الجزء الأمامي في حادث على طريق العلمين، حسبما أعلن اليوم.
كانت غرفة عمليات النجدة بمديرية أمن مطروح بلاغا بوقوع حادث سير على طريق العلمين وانتقلت أجهزة الأمن إلى مكان الحادث .
وقال مدير أعمال النجم تامر حسني على صفحته: مافيش كلام ينفع يتقال غير الحمد لله و بشكرك يا رب علي كل حال وفي كل حال ومن أجل كل حال وعلي كل تجربة صعبة أنت بتحطني فيها علشان تفكرني دائما بوجودك في حياتي و بتكون رسالة سواء أنت بتحبني وبتفديني من حاجة أكبر كان ممكن تحصل لي أو لحد غالي عندي أو بتكون عايز تفكرني أنا فيه خطأ في حياتي محتاج انتبه ليه واصلحه و الحمد لله انا عندي ايمان شديد بتجارب ربنا و نعمه الكبيرة في حياتي".
وتابع « أنا ومحمد السواق الجميل اللي معايا ربنا نجانا من الموت امبارح في حادثة من أكبر الحوادث اللي عملتها في حياتي واحنا راجعين إمبارح من العلمين الساعة 1.30 ظهرا فجأه ظهرت عربية نقل قدامه واقفة في نص طريق وادي النطرون في الحارة الثالثة وهو كان قبلها بثوان بيحاول يشغل حاجة في الشاشة اللي قدامه فمكانش في كامل تركيزه على الطريق وما قدرش يتفاداها.
وأضاف «العربية هربت من موقع الحادث بسرعة علشان عارف طبعا إنه غلطان وأنا ومحمد ما قدرناش ننزل من العربية غير بعد تقريبا ربع ساعة علشان الدم كان مغرق العربية والمشكلة اللي عقلي مش قادر يستوعبها إنه إزاي مافيش ولا air bag فتحت ؟ أنا مش هقدر أعدي الموضوع ده من غير ما ألاقي إجابة فنية ليه لأني لو عرفت انه ده خطا فني في اللي برمج السوفت وير أو ركب السينسورز أنا مش هسيبه إلا لما اسجنه لأنه كان حياتي هتنتهي أو أعيش بتشوهات في وشي طول عمري بسبب عدم فتح اي air bag.
وتابع: أنا حصلي نزيف جامد بسبب كسر في مناخيري و قطع أخد 8 غرز و قطع داخل الفم أخد 3 غرز وشرخ في الساق غاليا هعمل عملية في مناخيري بعد 5 أيام».
وأختم مدير أعمال تامر حسني: محمد السائق الحمد لله كان حاطط حزام الأمان فربنا أنقذه و كل اللي فيه مجموعة كدمات، النقل هرب من موقع الحادث وأنا طلبت النجدة والإسعاف 17 مرة، لكن للأسف كل مرة يردوا طالبين مني تحديد موقعي أو أي علامة مميزة في الصحراء وفي طريق صحراوي ودي يعني خلتني اتعصب عليهم لكن مافيش أي حاجة نفعت معاهم».
اصابة مدير أعمال النجم تامر حسنى فى حادث سير بطريق العليمن .. صور
