هدى: أخو المرحوم عايزني في السر عشان يرضى يصرف على العيال
حياة هادئة مستقرة مليئة بالسعادة أثمرت عن ثلاثة أطفال فجأة تحولت في لمح البصر لصراعات تواجهها الزوجة بمفردها بعد وفاة الزوج بسبب رغبة شقيقه في الزواج منها سرا مقابل أن ينفق على أولادها، ما دفع الزوجة تلجأ لمحكمة الأسرة وترفع دعوى إعلام وراثة على أهل زوجها.
«كان معيشني أحلى عيشة».. هذه كانت الكلمات الأولى التي بدأت بها «هدى» تروي سبب خلافها مع أهل زوجها منذ وفاته بسبب رفضهم إعطاءها هي وأولادها أي حق من حقوقهم، مضيفة: «زادت الخلافات بينهم بسبب أن شقيق زوجها يريد الزواج منها سريًا مقابل الإنفاق عليها هي والأولاد»، أضافت: «حياتنا كانت زي الفل وجوزي كان معيشني أحلى عيشة أنا والعيال، كانت بيشتغل ليل ونهار عشان يجيب لنا كل اللي نفسنا فيه، في يوم كنا قاعدين عادي فجأة تعب وخدناه ورحنا على المستشفى بس عقبال ما روحنا كان توفى خلاص».
تابعت والحزن يملأ قلبها وعينيها: «الدكتور جه قالي البقاء لله مكنتش مصدقاه وفضلت واقفة شوية مش عارفة أعمل إيه وحسيت الدنيا كلها أسودت في وشي، دخلت في حالة نفسية صعبة جدًا، ورحت أقعد عند أهلي لحد ما أهدى شوية عشان مقدرتش ادخل الشقة بتاعتنا وهو مش موجود».
محاولة صمود الزوجة بعد وفاة الزوج
رغم حزن الزوجة الشديد على زوجها وشريك عمرها إلا أنها كانت تحاول الصمود مرة أخرى من أجل أولادها الثلاثة، بعد شهرين من الوفاة بدأت تطلب حق أولادها في ورث الدهم ولكنهم رفضوا ما أدي لنشوب الخلافات والتصادمات بين الزوجة وأهل المرحوم، وزادت المشكلات عندما طلب منها شقيق المرحوم زواجها، تابعت: "معنديش أي دخل أصف بيه عليهم، فكلمت عمهم عشان يديني حقهم في ورث أبوهم بس هو رفض، بدأ يبقى مشاكل بيني وبينهم وكل ما أقولهم عايزة حق عيالي يقولوا لي مش هنديكي حاجة وعندك المحاكم أهي ورينا هتعملي إيه».
أخو جوزي عايز يتجوزني عرفي
أضافت: «كلمت عم العيال التاني، قالي تعالي نتجوز عرفي وأصرف عليكي انتي والعيال من غير ما حد يعرف، رفضت طبعًا وروحت رفعت قضية إعلام وراثة لما عرفت إنهم مش هيدوني حاجة».
لجأت هدى لمحكمة الأسرة بالجيزة ورفع دعوى إعلام وراثة لتأخذ حق أولادها، بعد ما تأكدت أنهم لا يريدون إعطاءها أي شيء بالود، ولا تزال القضية منظورة في المحكمة حتى الآن.
تابع أحدث الأخبار عبر
