سعاد في دعوى نفقة: قاعد لي في البيت وسايبني أنا اللي اشتغل وأصرف
تلجأ الزوجات لمحكمة الأسرة ورفع دعوى نفقة على زوجها بعد أن تفقد الأمل في شريك الحياة بأنه يصرف جنيهًا واحدًا على أولادها مثل «سعاد»، التي تكاسل زوجها عن العمل دون النظر لأولاده ما دفعها للبحث عن العمل من أجل شراء الأكل لأولادها فكان لديها أمل أن زوجها يتغير عندما يرآها هي التي تصرف على المنزل ولكنه تمادى ما جعل الزوجة ترفع دعوى نفقة.
«أنا اللي بصرف على البيت وهو قاعد مبيعملش حاجة».. أول عبارة بدأت بها منال وهي تروي قصتها للقاضي ومعاناتها مع زوجها التي بدأت من أول سنة في الزواج بسبب تكاسل الزوج عن العمل، تابعت: «كان معروف عنه إنه بتاع شغل وملوش في السهر والكلام دا بتاع الشباب الجديدة وفعلًا فترة الخطوبة مكنش بيعمل حاجة غير إنه بيبقى في الشغل عشان يجمع فلوس الشقة والجهاز».
أضافت: «اتجوزنا وقعد أول كام شهر وهو ملتزم في الشغل زي العادة اللي قبل الجواز بس جه فجأة وبقى يقعد في البيت كتير وكنت لما أسأله قاعد في البيت ليه يقول لي تعبان، قلت مش مشكلة بس الموضوع زاد ومبقاش في مصاريف كفاية في البيت بسبب إنه بيقعد في البيت كتير».
بحث الزوجة عن العمل بعد أن فقدت الأمل في زوجها
اضطرت الزوجة أن تبحث عن العمل بعد ما تكاسل الزوج عن العمل وأصبح لا يوجد مصروفات للمنزل، وعندما وجد الزوج أنها تطرقت لسوق العمل وأصبحت تجني المال تمادى في تكاسله عن العمل، تابعت: «لما لقيته قعد خلاص في البيت ومبقاش عايز ينزل الشغل خالص مبقاش في فلوس حتى نجيب أكل، نزلت أدور على شغل وفعلًا بدأت اشتغل وبقيت أجيب فلوس وكنت فاكرة لما يلاقيني إني بقيت أجيب فلوس وهو قاعد في البيت هيتكسف على دمه وينزل الشغل تاني».
أكملت سعاد حديثها: «قبل ما أخلف كنت بقول مش مشكلة لو مفيش فلوس أو أكل بس بعد لما خلفت عيل واتنين وهو برضو قاعد لي من غير ولا شغلة ولا مشغلة، بدأنا نتخانق كتير عشان مش هامه العيال يأكلوا ولا ميأكلوش».
تمادى الزوج في تكاسله عن العمل
تدخل الأهل عدة مرات لإصلاح الحال بينهما ولكن الزوج يصر على تكاسله عن العمل وعدم مساعدته لزوجته، ما دفعها تترك المنزل وترفع دعوى نفقة من أجل الحصول على مصروفات لأولاده، أضافت: "اتخانقنا كتير والأهل اتدخلوا كتير واتكلموا معاه كتير وهو برضو ولا هنا وأنا المصاريف كترت أوي ومبقتش عارفة أكفي مصاريف العيال، سبت له البيت ورفعت عليه قضية نفقة بقالي 4 شهور، ولا تزال القضية منظورة في المحكمة حتى الآن.
تابع أحدث الأخبار عبر
