مش راضي يطلقني.. نيرة: أمه خليته يسيبني أنا والعيال بقاله سنتين
دعوى طلاق للضرر تلجأ إليها زوجات كثيرة بسبب هجر الزوج للمنزل ورفضه للرجوع أو إتمام الطلاق مثل «نيرة» التي حاولت مع زوجها لمدة سنتين أنه يعود لعش الزوجية ولأولاده وعندما فقدت الأمل في عودته طلبت الطلاق ولكنه رفض الطلاق أيضًا ما دفعها تلجأ لمحكمة الأسرة بالجيزة لترفع دعوى طلاق للضرر لتعرف مصير حياتها.
«سايبني أنا والعيال بقاله سنتين» هذه هي العبارة الأولى التي بدأت بها «نيرة» قصتها لتروي معاناتها مع زوجها للقاضي عسى أن يأخذ حقها، مؤكدة على تعامله الجيد معها هي والأولاد ولكنه تحول فجأة دون أي مقدمات، أضافت: «فترة الخطوبة كان كويس معاي جدًا، ومن أول الجواز كمان، كان بيعمل لي كل اللي أنا عايزاه وأي حاجة بطلبها بيتشقلب عشان يجيبها وحياتنا كانت ماشية زي الفل».
تابعت: «لما خلفنا ابننا الأول كان حنين معاه وبيعرف إزاي يتعامل معاه حتى لو أنا مش موجودة، ولما خلفت ابني التاني برضو، بس فجأة بقاله 3 سنين متغير معرفش من إيه أسلوبه اتغير معايا أنا والعيال وبقا يتخانق معانا كتير».
تحول الزوج بعد أن كان زوج وأب صالح
منذ بداية الزواج وهو زوج وأب صالح ولكن فجأة بدون أي مقدمات تغير في التعامل معها هي والأولاد، كانت تظن الزوجة ضغط العمل يجعله متعصب ولكن عندما تمادى في عصبته دفع الزوجة تتسأل عن سبب التغير، ولكن لاحظت تغير أسلوبه كلما ذهب لوالدته عاد شخص أخر غير الذي تعرفه، تابعت: «شوية كويس وشوية لا، بقا يروح عند مامته كتير وكان بيبقى قبل ما يروح يتعامل معايا عادي وكويس بس أول لما يروح عندها ويرجع تاني ألاقي واحد تاني غير اللي أنا أعرفه».
أضافت: «حصلت خناقات كتير بسبب الموضوع دا واتأكدت إن أمه هي اللي خليته يتغير عليا أنا والعيال، أخر خناقة بقى ساب البيت ومش كنت بحسب هيقعد كام يوم عند أمه ويرجع بس عدى يوم واتنين وتلاتة وبرضو مرجعش».
أكملت الزوجة حديثها: «كلمته كتير بس هو مبيردش، كلمت مامته عشان متأكدة إنه عندها ردت عليا وقالت لي عايزة إية من ابني قلت لها عايزاه يرجع لمراته وعياله، كنت فاكراها بتهزر بس طلعت بتتكلم بجد عشان».
دعوى طلاق للضرر
ظنت الزوجة أن الزوج يعود بعد فترة ولكن لم يحدث حاولت التحدث معه مرات عديدة ولكن في كل مرة والدته هي التي تتحدث معها وتخبرها بأنه لن يعود مرة أخرى، تابعت: «عدى شهرين وتلاتة وبرضو مجاش البيت، وأنا مش عارفة أوصله عشان أمه هي اللي بترد عليا كل مرة وبتقولي إنه مش هيرجعلي أنا والعيال».
نيرة أضافت: «لما عدى سنة ودخلنا في التانية وهو بعيد منعرفش عنه حاجة طلبت الطلاق بس أمه قالت لي إنه مش عايز يطلقني وهيخليكي كدا، رفعت قضية طلاق للهجر بقالي 7 شهور لما لقيته مصمم إنه ميرجعش».. ولا تزال القضية منظورة في المحكمة حتى الآن.
تابع أحدث الأخبار عبر
