غاوي ضرب وإهانة.. ولاء في دعوى خلع: كان هيموتني والجيران لحقتني بالعافية
دعوى خلع لجأت لها «وفاء» بعد معاناة دامت 20 عامًا مع زوجها، تحولت الحياة الوردية التي كانت تحلم بها في عش الزوجية لحياة مليئة بالتعاسة، تبدل الزوج لشخص أخر لا يتعامل إلا بالضرب المبرح مع زوجته وأولاده، كانت صابرة طوال هذه السنوات عسى أن يتغير في يوم من الأيام ولكنه يزداد سوءً.
ولاء في دعوى خلع: كان هيموتني والجيران لحقتني بالعافية
«مطلع عيني من ساعة ما اتجوزنا».. بهذه العبارة بدأت ولاء حديثها مؤكدة على معاملة زوجها السيئة لها طوال فترة الزواج، أضافت: «كنا بنحب بعض في الشغل وطلب يتقدم لي في الأول أهلي موافقوش عشان كانوا شايفين إنه حد مش كويس وبيشرب مخدرات بس هو كان كويس معايا جدًا وكنا بنحب بعض ف حاولت أقنع أهلي بيه».
تابعت: «أتقدم لي كذا مرة وكل مرة أهلي يرفضوا بس أنا حاولت أقنعه عشان كنت شيفاه حد كويس وبعد فترة وافقوا لما أنا فضلت ألح على أهلي واتخطبنا سنتين وطول السنتين كان كويس معايا وبيعمل لي كل اللي أنا عايزاه واتجوزنا وكنت فاكرة إن احنا لما نتجوز حياتنا هتبقى أحلى وهيبقى معايا زي ما كان في الخطوبة».
تحولت حياة الزوجة لحياة تعيسة
ظنت الزوجة أنها تعيش أجمل أيام حياتها بعد ما تتزوج من حب حياتها ولكنها مخطئة إذ تحولت حياتها الوردية لحياة بائسة وتعيسة بسبب زوجها الذي تغير في معاملته لها بعد الزواج، أضافت: «كان كويس معايا في أول فترة في الجواز بس بعد فترة صغيرة اتغير معايا وبقا يزعقلي ويعمل خناقة كبيرة على كل حاجة تافه، الموضوع زاد وبقا يضربني كمان».
تابعت: "ضربني كتير قبل كدا وفي كل مرة الجيران كانت بتلحقني من إيه بالعافية وسبت له البيت كذا مرة وأهلي اتكلموا معاه وفي كل مرة يقول إنه هيتغير وحاله يتصلح بس مفيش فايدة".
حاولت “ولاء” التأقلم كثيرًا مع زوجها ولكن في كل مرة كان يخيب أملها ويزداد تعاطيه للمخدرات ما يؤدي لزيادة ضربه المبرح له، مضيفة: "كل مرة كنت بقول حاله هيتصلح وارجع عادي عشان مخربش البيت بس مفيش حاجة بتتغير بس بلاقيه بيزيد في الزفت المخدرات اللي بياخدها ومطلع عيني أنا والعيال، في أخر خناقة بينا ضربني جامد وخنقني وكنت هموت في إيده بس الحمدلله ربنا ستر".
لجأت “ولاء” لمحكمة الأسرة بالجيزة ورفع دعوى خلع لتتخلص من زوجها المدمن، ولا تزال القضية منظورة في المحكمة حتى الآن.
تابع أحدث الأخبار عبر
