نادية للقاضي: «جري ورايا 4 سنين واتجوز علي بعد 5 شهور»
رحلة زواج قصيرة استمرت 9 سنوات، كانت فيها أيام الألم والانكسار أطول من أيام الفرح والسعادة الزوجية، زوج متقلب المزاج خدعها باسم الحب وأثمر الحلال عن 3 أطفال قبل أت يتبدل الحال ويطردهم جميعا في الشارع لتطرق في النهاية أبواب محكمة الأسرة باحثة عن ملاذ ومكان يأوي أولادها.
أقرأ أيضًا: دنيا في دعوى طلاق للضرر: «ضرب أبويا ورفع السلاح على أخويا»
«عايز يبيع الشقة ويطردني أنا والعيال».. وقفت «نادية» بكبرياء منكسر تروي قصتها للقاضي، كيف هجرها بعد سنوات من المتعة، تابعت: «اتجوزنا عن قصة حب كبيرة بينا واتقدملي كتير عشان بابا يوافق إنه يتجوزني عشان أهلي كلهم مكنوش موافقين لأنهم كانوا شايفين إنه مش مناسب بس أنا كنت بحبه جدًا وصممت اتجوزه وبعد أربع سنين وافقوا أخيرًا».
أضافت الزوجة: «اتجوزنا وكنا عايشين كويس ومعاملته معايا كانت حلوة جدًا فجأة بعد سنتين من الجواز اكشفت إنه اتجوز عليا بعد أول خمس شهور الجواز، اتصدمت صدمة عمري وسبتله البيت ومشيت روحت عند بيت أهلي قعدت سنة ونص كاملة وهو عايش حياته عادي معاها ولا فكر يسأل على ابنه».
أقرأ ايضًا: ياسمين لقاضي الأسرة: « أمه طفشتني بعد 4 شهور ومجاش يوم موت بنته»
الرضا بسياسة الأمر الواقع
حاول الزوج إرضاء الزوجة ورجعوها لبيتها هي وابنها وبالفعل نجح الزوج في هذا، تابعت نادية: «جالي بيت أهلي عشان يصالحني ويرجعني البيت وفعلًا رجعت بعد ما كنت مصممة على الطلاق بس قلت مش مهم ارجع اربي ابني وأعيش وخلاص».
أكملت: «بعد ما رجعني وصالحني قعد كام شهر يجيلي كل كام يوم ويبقى عندها بقية الأسبوع، وبعدها بقا رجع تاني يقعد معاها طول الوقت وميجليش ولا يوم ولا بقا يشوف ابنه حتى بعد ما خلفت ابني التاني والتالت مجاش يسأل عنهم وعايش حياته معاها ومع عيالها وعيالي أنا مبيفكرش يجبلهم كيس فاكهة».
رضيت الزوجة بما قسمه الله لها ولم تعترض على قضاء ربنا وأرادت فقط أن تربي أولادها في بيتها ولكن الزوج لم يكتف بتركها هي وأولادها طوال التسع سنوات بل أراد طرد وتشرد أولاده بلا رحمة، أضافت نادية: «كنت في يوم عند أختي أنا والعيال رجعت لقيته خد عفش الشقة وباعها، ولما كلمته قولتله ينفع تطرد عيالك في الشارع قالي يتحرق العيال».
لجأت الزوجة لرفع قضية تمكين للشقة بسبب ما فعله زوجها بها ولا تزال القضية منظورة حتى الآن.
أقرأ ايضًا: زوجة للقاضي: « قضيت معاه نص عمري واكتشفت إنه متجوز وعنده عيل »
تابع أحدث الأخبار عبر
