حرموا عيالي من الميراث.. منال للمحكمة: «اخوات المرحوم كل واحد فيهم كان طمعان فيا عرفي»

14 سنة كاملة من الرضا التام لدى الزوجة بعد وفاة زوجها وعدم رغبتها في أي شيء سوى عيشها هي وأولادها في سلام بعيدًا عن الدخول في أي تصادمات مع أهل زوجها.

 وقفت سيدة في أوائل الخمسينات تتكئ على جدران المحكمة وعلى وجهها كل علامات الغضب بسبب معاملة أهل الزوج السيئة وحرمانها في أخذ ورث أولادها الثلاثة.  

أقرأ أيضًا: سمية في قضية الخلع: « مش راضي يخس وعايز صينية بطاطس الساعة 2 بالليل»

"مش عايزين يدوني ورث عيالي" بدأت السيدة منال حديثها وهي غاضبة، مضيفة أن معاملة أهل الزوج السيئة لها ولأولادها الثلاثة بعد وفاة الزوج، أكملت منال: "جوزي مات من 14 سنة ومن ساعتها ومعاملة أهل جوزي بقت وحشة أوي معايا ومع أولادي الثلاثة"، تابعت: "مطلبتش حاجة منهم من ساعة ما جوزي مات بس بعد ما حماتي توفت من سنتين بدأت أطلب ورث عيالي".

أضافت الزوجة: "بدأو في توزيع الورث على اخوات جوزي "3 بنات واخين" بعد وفاة حماتي وقسموا لكل واحدة من اخواته البنات 3 قيراط ونص والمفروض ورث جوزي يبقى 7 قراريط، بس هما مش راضيين ومصممين يدوني 4 قراريط"، أكملت: "أنا مكنتش هتكلم ولا هطلب حاجة بس لما لاقيتهم بدأوا يوزعوا الورث ومش فارق معاهم عيالي اتحركت وبدأت أطلب حقهم".

أقرأ أيضًا: ياسمين في دعوى طلاق «اتجوزني وأنا بنت 16 سنة وقهرني بواحدة تانية»

استرجعت منال ذكرياتها مع الزوج وقالت: "كان طيب أوي معايا وكان بيحبني وبرغم فرق السن وإنه كان أكبر مني بـ 18 سنة بس كنا عايشين مبسوطيين ومكنش بيخليني عايزة حاجة"، أكملت: "اتجوزت بعد ما جوزي توفى بسنة واحدة عرفي واخوات جوزي قالولي ملكيش حاجة عندنا عشان اتجوزتي ومتجييش عندنا تاني، واتطلقت منه بعد أربع سنين عشان عيالي ولحد دلوقتي عيالي متجوزيين وقاعدين معايا في نفس البيت".

عم العيال عايز يتجوزني من غبر ما حد يعرف

أكملت الزوجة في تصريحات خاصة لـ الحادثة: "اخوات جوزي مكنوش موافقين إني اتجوز عشان كل واحد منهم كان عايز يتجوزني عرفي"، تابعت: "عم العيال استغل عيالي قبل ما يتعالجوا من الإدمان وخلاهم يمضوا على بيع القيراط بـ 40 ألف جنيه بدل من 80 ألف سعرهم الحقيقي". 

بعد محاولة الزوجة في إصلاح الوضع ودي بينها وبين أهل الزوج دون اللجوء للمحاكم لكنهم رفضوا إعطاء كل واحد حقه ما دفع الزوجة لاختيار طريق القضاء ورفع قضية إعلام وراثة لتأخذ حقها ولاتزال القضية منظورة في محكمة الأسرة بالجيزة حتى الآن.

أقرأ أيضًا: «جبروت أم».. خلعت زوجها وقتلت أبنائها بدافع الانتقام

تابع أحدث الأخبار عبر