يحيى المشد.. قصة اغتيال أعظم عالم ذرة عربي
كشف المذيع أحمد خالد، عبر برنامج اغتيالات المذاع على منصة الحادثة، قصة اغيتال العالم المصري يحيى المشد.. وقال في التمنينات كانت العراق شغاله على مشروع لو كان اتنفذ كان هيغير الحاضر اللي احنا عايشينه.. المشروع كان مشترك مع فرنسا وتحت إشراف دكتور مصري وهو يحيى المشد.. المشروع ده كان عامل قلق للكيان الصهيوني فقرروا يوقفوه.
ويوم 14 يونيو 1980 بتبث الاذاعة البريطانية ووكالات الإنباء العربية والعالمية خبر قتل الدكتور يحي المشد اللي لقوا جثته في أوضته في فندق ميريديان اللي موجود في باريس، يمكن في ناس كتير مكانتش تعرف مين يحي المشد والخبر مأثرش علي اللي بيسمعه، بس اللي كتير مننا ميعرفوش انه كان المشرف على برنامج العراق النووي وكان واصل لمراحل متقدمة .
تعالوا نعرف في الاول مين هو الدكتور يحيى المشد.. وخليك معايا للآخر.
يحي امين المشد اتولد في سنة 1932 في محافظة البحيرة واتخرج من كلية الهندسية قسم فيزياء من جامعة اسكندرية.
كان عايز يعمل شوية دراسات فسافر النرويج وهناك جاتله عروض كتير جدا عشان ياخد الجنسية النرويجية وعشان هو رفض كانو بيطاردوه يوميا عشان يوافق... متخيل الموضوع واصل لـ أيه!!.
المهم وهو في النرويج جاله دعوة عشان يحضر ندوة مفتوحة فجهز خطبة طويلة اتكلم فيها عن الاحتلال الفلسطيني لاسرائيل.
وفي الندوة دي كان موجود ناس من الكيان الصهيوني والموساد اللي طبعا مش هيسيبوه في حاله بعد كل اللي قاله ده.
في سنة 74 جه عرض للمشد من جامعة بغداد في العراق عشان يدرس هناك.. مدة دراسته أربع سنين بس طبعا لما شافوا عبقرية دكتور يحيى المشد قرروا يتمسكوا بيه وعرضوا عليه يشتغل في مؤسسة الطاقة الذرية.
مع إن في اليوم اللي اتقتل فيه دكتور يحيى كان فيه فتاة ليل بتحاول تتكلم معاه ووصل الأمر إنها تطارده في الفندف، لكن المشد رفض حتى إنه يتكلم معاها وقفل باب الأوضة في وشها.
بعد اغتيال المشد إسرائيل ماسكتتش.. هي قررت تقفل باب المشروع ده بشكل نهائي.. فأطلقت صواريخ على المفاعل النووي العراقي ودمرت مخزن اليورانيوم الموجود وبكده المشروع العراقي لتصنيع القنبلة الذرية اتقفل.
كدة خلصت حلقة النهاردة قولي رأيك تحت في الكومنتات متنسوش اللايك والشير على فيسبوك وسابسكريب على يوتيوب.
