من الحب ما قتل.. حبها ومات من الحسرة يوم فرحها
فعلا زي ما بيقولوا "من الحب ما قتل" هو دا اللي حصل مع الشاب القروي البسيط، اللي حب بنت مستواها المادي أعلى منه، ولما راح يتجوزها أهله رفضوه، ودا اتسبب له في صدمة، انتهت بموته.
خلونا نبدأ حكايتنا النهارده مع شاب بسيط جدا من قريه بسيطه كان الكل بيحلف بأخلاقه من صغره وهو بيصرف علي اهله وزي مابيتقال واد راجل من صغره الشاب ال معانا بعد ما وصل ل 37 سنه وبعد ماكان رافض الجواز نهائي واهله أول ما يقولوا يا جواز يعترض وبالذات انتوا عارفين معظم الجوازات في القريب تبقي سهله لأنها صالونات، لحد لما زي مابيتقال كده وقع ع وشه وأعجب ببنوته في القريه وكأنها عملتله سحر،بداء يعمل حاجات عكس طبيعته بداء يطنش شغله ويمشي وراها من بعيد عشان بس يشوفها من غير ماتاخد بالها.
أهلها رفضوه بسبب فقره
راح اتقدم والصدمة هنا أن الأهل رفضوه رفض تام بسبب أن مستواه المادي مش واو ياعني، وهيسكن في بيت العيلة بتاعهم كلهم سوا هي العروسه موافقه طبعا ولكن اهلها هما ال كانوا رافضين بشكل كبير جدا ساعتها الشاب ال معانا روح وهو كله فقدان امل وحيره ومش عارف يعمل ايه لحد لما تقابلوا تاني هي وهو وقالتلوا انا عايزاك وبحبك قالها انا هتصرف وبداء يضاعف عدت ساعات الشغل.
حالته النفسيه كانت سيئة جدا لدرجة أنها خلاص مبقاش في شغل خالص ولا نوم ياعني تفكير وزعل وبس، والبنت كمان كانت في نفس الحالة وأهلها عشان يخلصوا الموضوع جابولها عريس وخطبها فعلا ولكن صاحبنا ماكنش يعرف الكلام دا خالص لانه تقريبا ماكنش بيخرج من بيتهم ودخل في حالة اكتئاب شديدة جدا وصعبه ..ولا اكل ولا شرب مهما حاولوا صحابه أو أهله وفي يوم خطوبتها على العريس اللي مجبره عليها جالها خبر وفاته.
