قبل مباراة السوبر الإفريقي 2024.. عمرو أديب ينفجر في الزمالك: برود شديد وهنتغلب بيج سكور (فيديو)

انفجر عمرو أديب في القلعة البيضاء، متوقعا هزيمة الزمالك أمام الأهلي في مباراة السوبر الأفريقي القادمة، بعد خروجه من بطولة كأس مصر 2024 أمام طلائع الجيش بركلات الترجيح.

هجوم عمرو أديب على الزمالك قبل مباراة السوبر الأفريقي

وشن الإعلامي عمرو أديب في برنامجه "الحكاية" المذاع عبر قناة mbc مصر، هجوما عنيفا على نادي الزمالك إدارة ولاعبين وجمهورا بقوله "بالخناقات دي بالجون ده هنتغلب في السوبر هنتغلب في السوبر، وهنتغلب Big score.. هنتغلب كتير".

وكشف أن "الفرق بيننا وبين الأهلي فراسخ.. مسافات يا حبيبي مسافات"ز

متسائلا "إيه اللي بيجرى ده يا جماعة؟! طاب انتو بتعملوا إيه؟ إيه الشيء اللي بتعمله إدارة نادي الزمالك؟ فين الكورة؟ فين اللعب؟ فين المدرب؟ تعبت.. تعبت وزهقت".

صائحا "ما تشوفوا حل يا جماعة.. ومش شايف أي شيء".

الزمالك والأهلي في السوبر الإفريقي 2024

ولفت إلى الفرق الشاسع بين الأهلي والزمالك بقوله "بالك انت لما اتعادلوا ماتش الجمهور بهدلهم.. لما لعيب مش عارف عمل ايه الجمهور بهدلهم. إحنا ما فيش أي حاجة.. فيه برود شديد عند الإدارة وعند الجمهور وعند كل شيء.. يعني خلاص هذا الأمر أصبح معتاد.. بيتغلب بيخرج بيطلع، وهم خارجين متضايقين بيعيطوا وبيقعوا ع الأرض".

متسائلا "طاب إيه يا جماعة؟ طاب كنت انسحب يا أخي أكرم لك. هتقول لي أصل خايف من العقوبة؟ ليه هم هيعاقبوا الأهلي؟ تاني: ليه هم هيعاقبوا الأهلي؟ تالت: ليه هم هيعاقبوا الأهلي؟".

وتابع "تعبت.. مش عارف آخد أجازة حتى.. وان قاعد باتفرج ع الماتش".