أخبار محكمة الأسرة اليوم
محكمة الأسرة اليوم| نوران: حماتي طردتني في الشارع عشان كوباية مية.. وعزيزة: معيشنا على الجبنة القديمة
ينشر «موقع الحادثة» ضمن نشرة أخبار محكمة الأسرة اليوم، أبرز القصص التي نشرت على مدار اليوم الاثنين، والتي تباينت بين زوجات وصل بهن الطريق إلى أعتاب محكمة الأسرة بحثًا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. نوران: حماتي طردتني في الشارع عشان كوباية ماية
مثل حالات كثيرة كان "بيت العيلة" هو السبب الرئيسي في الخلافات التي تؤدي في بعض الأحيان إلى انفصال حتمي عندما تتمادى الأوضاع، وهذا كان سب الخلافات والمشكلات المستمرة التي بدأت في اليوم الأول منذ دخولها عش الزوجية، ظنت نوران أنها قادرة على تنظيم أمورها دون تصاعد الخلافات ولكنها كانت مخطئة لأن المشكلات تفاقمت بسرعة البرق، استكملت قصتها للقاضي بقولها: "كنت فاكرة إني هقدر امشي الدنيا بس أمه مكنتش سايباني في حالي خالص وعلى طول مشاكل على أي حاجة حتى لو تافهة، وطول الوقت إهانة وعمال على بطال وجوزي مبيعملش أي حاجة ولا بيقولها حتى دي مراتي ويحافظ على كرامتي لا كان بيعمل نفسه مش شايف"، تابعت: "كنا قاعدين ي مرة أنا وهي وقالتلي هاتيلي كوباية الماية من المطبخ فلو اتاخرت شوية جوا، لقيتها جت جابتني من جوا بهدوم البيت وطردتني في الشارع عشان بس كوباية الماية".
محكمة الأسرة اليوم.. عزيزة: أمه بتأكله المحمر والمشمر وهو معيشنا على الجبنة القديمة
حياة صعبة عاشت فيها عزيزة من بداية الزواج مع رجل بخيل ورغم ذلك كان يعتريها الأمل أن الأمور تتبدل ويغير أسلوبه معها هي والأولاد، ولكن كانت الخلافات تتفاقم بعد ما اكشفت عزيزة أن هذا طبع زوجها حاولت التأقلم عليه من أجل الحفاظ على حياتها ولكن بدأت المشكلات في التصاعد بسبب أسلوب الزوج الذي افتعل الكثير من المشكلات والخلافات بينهما، تابعت: "حاولت اتأقلم كتير معاه بس للأسف معرفتش لإنه كان بخيل لدرجة صعبة، واستحملت كتير معاه على أمل إنه يتغير بس مفش فايدة فيه ولسه بضو زي ما هو بالعكس كان بيزيد، ومش فارق معاه عياله إذا كانوا كلوا ولا لا أهم حاجة عنده الفلوس وإنه ميصرفش جنيه وخلاص، ومعيشني أنا والعيال على الجبنة القديمة مبناكلش أي حاجة غير الجبنة وهو بياكل المحمر والمشمر عند أمه وسايبنا في البيت من غير أي مصاريف".
محكمة الأسرة اليوم.. إسراء: ممرمطني معاه ولما اشتكيت لأهلي عملي إنذار طاعة
فوجئت إسراء ما بإنذار طاعة من زوجها الذي كان السبب في افتعال كافة الخلافات والمشكلات بينهما بعدما قررت اللجوء إلى أهلا لمساعدتها بسبب تعرضها للإهانة منه لسنوات، وكان ردها على إنذار الطاعة هو دعوى طلاق أقامتها لكي تتخلص من إهانتها للأبد، قالت للقاضي: "سكت كتير عشان المشاكل متكبرش بينا بس مفيش فايدة فيه، لسه أسلوبه زي ما هو والخناقات زادت بينا كتير بسبب أسلوبه اللي زي القرف وأنا مبقتش قادرة اتحمله خلاص بعد كدا"، استكملت روايتها: "أخر ما زهقت سبت البيت ورحت عند أهلي عشان هما يشوفوا لهم حل في الموضوع دا معاه وهو ركبه العفريت أكتر وأكتر، وراح عملي إنذار طاعة، وقلت طالما وصلت للمحاكم يبقى ارفع قضية طلاق عشان اخلص منه ومن قرف خالص".