محكمة الأسرة اليوم
«حماتي قنبلة ذرية».. ميادة: عايزة تضيع مستقبل بنتي عشان تنتقم مني
كان سبب تواجد «ميادة» في محكمة الأسرة هو والدة زوجها التي لم يكفيها تدميرها لحياتها الزوجية مع ابنها، لكن أوصلتها لمحكمة الأسرة لتستطيع الحصول على أبسط حقوقها في أن تحصل على المصاريف التي تكفيها وتكفي ابنتها، وتحصل على حقها في أن تدخل ابنتها المدرسة.
قصص محكمة الأسرة.. جواز صالونات
قالت «ميادة» في بداية حديثها: «أنا متجوزة من 11 سنة خلفت من جوزي بنت واحدة بس، كان جواز صالونات، لما جوزي اتقدملي كان كويس ومحترم ومفيش منه مشاكل، في الخطوبة وأول الجواز كان كويس جدا والدنيا ماشية عادي زي أي اتنين متجوزين».
دعاوى محكمة الأسرة.. أمه بتقومه عليا
أكملت كلامها قائلة: «مشاكلي معاه بدأت من بعد الخلفة، كانت على المصاريف عمل معايا مشاكل كتير بسببها، بس كنت بعديها وأمشي الدنيا عشان مخربش بيتي وعشان خاطر بنتي، وفوق إني اتحملته أمه كانت بتدخل في كل حاجة في حياتنا وبتقومه عليا بتقوله ميدنيش مصاريف ليا أنا وبنتي ».
حكايات محكمة الأسرة.. عايزين ينتقموا مني في بنتي
تابعت حديثها قائلة: «لحد ما المشاكل زادت جدا قررت اسيب البيت ولما مشيت مرجعنيش تاني، ولا سأل في بنته من ساعة ما مشينا وسيبنا البيت، وده كان بسبب أمه بتقومه عليا وتقوله مترجعهاش تاني سيبها وهي هترجع لوحدها، لما جيت أخد ورق بنتي من المدرسة حماتي هي اللي مديرة الشئون القانونية فيها مرضيتش تديني الملف بتاعها، وجيت المحكمة عشان أرفع قضية ولاية تعليمية، عشان أعرف أنقل بنتي وأدخلها المدرسة هما عايزين ينتقموا مني في بنتي ويضيعوا مستقبلها من غير ما اعملهم حاجة».