أخبار محكمة الأسرة
خلفته ونسيته .. نهى تطلب الطلاق: مدمن مخدرات وأهله مدبسني في مشاكله
بدعوى طلاق في محكمة الأسرة طالبت سهى بالانفصال عن الزوج اذي كان السبب في افتعال كافة المشكلات بينهما بسبب إدمانه المفرط الذي كان السبب الأساسي في عدم تحملها للعيش أكثر من ذلك في هذه الحياة.
حكايات محكمة الأسرة.. متدبسة معاه من ساعة ما اتجوزت
بعد خلافات ومشاجرات حاولت الزوجة السيطرة عليها فشلت كل محاولاتها وبدأت الخلافات في التفاقم والتصاعد بينهما، استهلت الزوجة حكاياتها: "أنا اللي واقفه جمبه من ساعة ما اتجوزنا وأهله ميعرفوش عنه أي حاجة بالذات بعد ما بقى مدمن وأنا لوحدي اللي كنت متدبسة معاه في كل حاجة وهما ولا كأنهم أهله ولا يعرفوا عنه أي حاجة"
قصص محكمة الأسرة.. أهله اتبروا منه
بعد ما تصاعدت الخلافات بسبب إدمان الزوج حاولت التوسل بأهله من أجل المساعدة ولكن لم تجد أي نتيجة لمحاولاتها التي طالبت بها المساعدة في حياتها الزوجية، تستكمل الزوجة حكاياتها لقاضي محكمة الأسرة بقولها: "زاد في شرب المخدرات وبقت حالته صعبة جدًا وأنا مبقتش عارفة اتعامل معاه لوحدي، حاولت معاه كتير إنه يتعالج بس هو رفض، كلمت أهله يساعدوني ويتدخلوا عشان ابنهم لقيتهم بيقولوا لي احنا ملناش دعوة دا مش ابننا ولا نعرفه، واتبروا منه".
روايات محكمة الأسرة
ظنت في البداية أن أهله سيكونوا السند لها للمساعدة ولكن وجدت معاملة مختلفة تمامًا، أنهت حكاياتها قائلة: "كلمت أهله كذا مرة عشان يساعدوني بس هما رفضوا وكلمتهم كتير بس كانوا بيقفلوا في وشي عشان مكلمهمش عنه تاني، مقدرتش استحمل اكمل معاه كدا وأنا لوحدي من غير ما اهله يقفوا معايا ولا يساعدوني".