أخبار محكمة الأسرة
العيد مش باللبس.. هبة ترفع دعوى نفقة لسبب طريف أمام محكمة الأسرة
دعوى نفقة قصدتها هبة في محكمة الأسرة بعد إلحاحها على الزوج ومحاولات التي بذلتها من أجل شراء ملابس عيد الأضحى المبارك، ولكن الزوج مصر على عدم الإنفاق لذا اتجهت الزوجة إلى القضاء مباشرة لتطالب بحقها وحق أولادها.
حكايات محكمة الأسرة.. بيسيب لي ملاليم امشي بيها البيت
"مش راضي يجبلنا لبس لعيد وبقالي شهرين بتحايل عليه" بهذه الكلمات بدأت الزوجة حكاياتها لقاضي محكمة الأسرة مؤكدة أن المشكلات والخلافات بينهما من بداية الزواج ولكنها تفاقمت في الشهور الأخيرة سبب رفضه الإنفاق عليها هي والأولاد، تابعت: "من ساعة ما اتجوزنا وكل المشاكل اللي بينا بسبب الفلوس وإنه مش بيصرف علينا ولو اداني فلوس بيدهالي بالقطارة، كنت بحاول امشي الدنيا بينا بس المشاكل كنت بتكبر بسبب الفلوس ولإن الفلوس اللي كان بيسيبهالي مكنتش بتكفي أي حاجة"
قصص محكمة الأسرة
تصاعدت الخلافات والمشاجرات بسبب إصرار الزوج على عدم الإنفاق وبالرغم من كل المحاولات التي قدمتها الزوجة للحفاظ على حياتهما فشلت الحياة بينهما أكثر وأكثر، تستكمل الزوجة حكاياتها قائلة: "كنت بعدي كتير وكنت بحاول أمشي الدنيا بينا بأي فلوس بيسيبهالي بس مكنتش بعرف وحاولت معاه كتير إنه يزود الفلوس بس برضو مكنش بيرضى وكان بيقولي هي دي الفلوس اللي معايا وإذا كان عاجبك".
روايات محكمة الأسرة.. مش راضي يجيب لنا لبس العيد
اقترب عيد الأضحى المبارك ونوت هبة شراء ملابس العيد لأطفالها لتدخل الفرحة على قلوبهم ولكنه رفض كالعادة، وبعدما استمر الزوج على رفضه قررت قصد محكمة الأسرة من أجل رفع دعوى نفقة تطالب فيها بحق أولادها، أضافت هبة: "بقالي شهرين معرفاه إني عايزة لبس العيد للعيال وه كان بيقول حاضر هجمع الفلوس وطنش جيت اكلمه بقالي أسبوعين عشان اخد منه فلوس اللبس قالي أنا مش معايا فلوس ومش هجيب لحد لبس العيد، كلمته براحة مرة واتنين عشان عايزة افرح العيال وقلت له أنا مش مهم مش عايزة أي حاجة بس اديني فلوس اجيب بيها لبس للعيال، وهو برضو مش راضي"، قررت هبة اللجوء على محكمة الأسرة بعد ما فشلت كل محاولاتها من أجل رفع دعوى نفقة.