أخبار محكمة الأسرة اليوم
أسماء لـ محكمة الأسرة: أبوة هو اللى كان بيصرف وحياتنا اتغيرت بعد وفاة حمايا
كانت نهاية «أسماء» أنها تواجدت في محكمة الأسرة بعد زواجها من ابن عمها الذي ظنت أنه سيكون سند لها وزوج يحميها وتنشئ معه أسرة لكن تدمر أملها لأن زوجها لم يريد ان يتحمل مسؤولية أسرته يوما وخاصة بعد وفاة والده.
قصص محكمة الأسرة.. رامي المسؤولية على أبوه
بدأت «أسماء» حديثها عن معانتها وقالت: «أنا متجوزة من 2003 أنا وجوزي كنا ولاد عم، خلفت منه ولد وبنت، ومنفصلة عنه وسيباه من 2011، من ساعة ما اتجوزته وهو مش بيشيل مسؤولية حاجة ورامي كل المسؤولية على أبوه اللي هو عمي وكنت راضية بالوضع وعايشة عشان ولادي».
دعاوي محكمة الأسرة.. حياتنا اتغيرت بعد وفاة حمايا
أكملت حديثها عن سبب المشاكل في حياتها الزوجية: «المشاكل كلها بدات وزادت بعد وفاة أبوه كل حاجة اتغيرت، هو كان قاعد في محلات أبوه وهو عايش لأن هو اللي كان بيغصب عليه، لكن من ساعة وفاته وهو ومش راضي يشتغل وشال ايده من مصاريف البيت وكل حاجة تخص البيت والولاد».
حكايات محكمة الأسرة..دماغه مريحاه
تابعت الزوجة كلامها وهي تبكي قائلة: «الحياة معاه كانت كلها مصاريف قليلة ومفيش شغل وقاعد في البيت، طلبت يشتغل كتير لكن كان بيرفض دماغه مريحاه بقى صايع بعد وفاه ابوه، فضلت عايشة مستحملة لكن اللي بقى جديد إنه كان بيضربني لما الحالة تجيله او لما اطلب منه ينزل يشتغل، مكنش يقدر يعمل كدة وأبوه عايش وده اللي خلاني اسيبه».
قضايا محكمة الأسرة..مبيسألش في ولاده
أنهت «أسماء» حديثها قائلة: «مرضيتش ارجعله تاني بعد الطلاق سايباه من ٢٠١١ بس اتطلقت منه في ٢٠١٧ لانه كان رافض يطلقني وقالي هسيبك زي البيت الوقف لا هرجعك ولا هطلقك مبيسالش ع أولاده خالص ولا بيصرف عليهم من ساعة ما سيبته ورفعت عليه قضايا عشان يصرف علينا لكن مفيش فايدة انا اللي بشتغل وبصرف على الولاد وهو عايش حياته مع نفسه».