أخبار محكمة الأسرة
«طارق طلع نصاب».. نوال بدعوى خلع: ضحك على الناس في مليون جنيه وهرب
دعوى خلع قصدتها نوال بعد ما اكتشفت أنها تعيش مع نصاب محترف لمدة 24 عامًا، هرب وتركها تسدد ديونه التي وصلت إلى مليون جنيه ولم تستطع التوصل إليه منذ سنتين ونص لذا كان طريق القضاء هو الحل.
حكايات محكمة الأسرة.. طلع نصاب
"من ساعة ما اجوزته وهو ماشي ينصب على الناس"، بهذه العبارة بدأت الزوجة حكاياتها لقاضي محكمة الأسرة، مؤكدة على معاناتها التي تعيشها من بداية الزواج بسبب أفعال الزوج معها، تابعت: "مستحملة كل المشاكل من أول الجواز عشان خاطر البيت والعيال وعشان مخربش البيت وكنت بقول معلش استحمل يمكن يتغير".
قصص محكمة الأسرة.. دبسني في قروض وهرب
اكتشفت نوال نصب زوجها في بداية الزواج ولكنها كانت تحاول بكل الطرق من أجل بيتها وأولادها، استكملت المدعية حكاياتها قائلة: "قبل الجواز مكنتش عرف إنه نصاب، لإنه كان باين عليه كويس عادي ومن عيلة كبيرة كمان وأهله مش محتاجين الفلوس في حاجة، وبعد الجواز بقل كان امل نفسه راجل متدين بيفهم في الدين بس شوية شوية لقيت الناس بتيجي تقولي دا جوزك واخد مننا فلوس و لسه مرجعهاش"، تابعت: "الحوار اتكرر كتير وبقا يقعد معاي كام شهر ويسيبني ويمشي تاني، وآخر مرة قالي أنا هجيب قرض من البنك وخلاني امضي عليه أنا وأخوه، وبعد كان شهر اخوه هرب وهو حصله يقاله سنتين ونص وسابني أنا ولوحدي".
روايات محكمة الأسرة.. طلع عليه ديون بمليون جنيه
اتضح بعد هروب الزوج ان الديون وصلت إلى مليون جنيه، تستكمل حكايتها بقولها: "مش عارفة هو فين بس بقت الديانات جيلي كل شوبة وتطالبني بفلوس، وجمعت الديون كلها اللي عليه وصلت إلى مليون جنيه، مكنتش اعرف إنه عليه كل دا، وبقى يضحك على الناس إنه بتاع ربنا وماشي بالمصحف عشان يصدقوه ويقولهم أنا هجيبلكو الفلوس تاني، ويمشي من ساعتها"، أنهت حكاياتها قائلة: "سابني مع الديون لوحدي ومشي ومش عارفة أوصله ولا عارفة أعمل إيه في الديون اللي عليا لوحدي دي"، لذا لجأت إلى محكمة الأسرة من أجل رفع دعوى خلع.