أخبار محكمة الأسرة
محكمة الأسرة اليوم | سمر: طردني أنا والعيال بعد ما كتبتله الشقة باسمه.. ومها: ضربني بالقلم
ينشر موقع الحادثة ضمن نشرة أخبار محكمة الأسرة اليوم، أبرز القصص التي نشرت على مدار اليوم الاثنين، والتي تباينت بين زوجات وصل بهن الطريق إلى أعتاب محكمة الأسرة بحثا عن حقوقهن، أو أزواج لم يستطيعوا التأقلم مع زوجات لم يشفع لهن حسن المعيشة.
محكمة الأسرة اليوم.. سمر: طردني أنا والعيال بعد ما كتبتله الشقة باسمه
حياة هادئة سعيدة في بداية الزواج استمرت لمدة 9 سنوات بالكامل ولكن تبدلت الأوضاع بعد ما أقنعها الزوج بكتابة الشقة باسمه، تابعت: "حياتنا كانت كويسة جدًا من غير أي مشاكل بس كل دا اتغير بعد لما طلب مني إني اكتبله الشقة باسمه بعد وفاة بابا بكام شهر، كتبتله الشقة باسمه فعلا وأنا مش مدياله أي خوانه مفاتش شهر واحد وطردني أنا والعيال ونسي اللي عملناه معاه أنا بابا وإن هو الوحيد الل وقف جمبه وأهله مساعدهوش بجنيه حتى"، لجأت سمر إلى محكمة الأسرة من أجل رفع دعوى خلع.
محكمة الأسرة اليوم.. سيدة في 8 دعاوي: استحمتله كتير وخلاص فاض بيا
تغاضت الزوجة عن مشكلات كثيرة مع الزوج من أجل الحفاظ على عش الزوجية ولكن تمادت المشاجرات الأكثر من 10 سنوات بسبب معاملته الهمجية معها علاوة على تعامل أهله الذي كان يحمل إهانة لها ما جعلها تفكر في اللجوء إلى محكمة الأسرة، استكملت أسماء رواياتها بقولها: "مقدرتش استحمل معاملته ليا هو وأهله، والمشاكل ك شوية توي بسبه هو أه، أنا كلمته كتير في الموضوع دا بس هو مفيش فايدة فيه ولسة مكمل معاملته الهمجية دي، سبت البيت ورفعت 8 قضايا في محكمة الأسرة عشان اجيب حقي وحق عيالي، منها نفقة صغار ونفقتي وعفش وفرش وغطا".
محكمة الأسرة اليوم.. مها: ضربني بالقلم
الطلاق.. هو الحل الذي قصدته مها بعد 10 سنوات من المعاناة مع زوج يتعامل بعصبية وهمجية معها بعد ما حاولت التغاضي والتعايش مع هذه الحياة ولكنها وجدت في النهاية أنه من الصعب التعامل والاستمرار في هذه الحياة لذا القضاء كان حلها الأخير من خلال رفع دعوى طلاق، قالت مها للقاضي: "بيتعامل معايا بطريقة انا مبحبهاش من أول الجواز وكنت بصبر عادي وأعدي عشان مكبرش الموضوع بس هو كان بيزيد فيها، وعلى طول بيزعق وأوقات كان بيضربي بالقلم أو على كتفي، بالنسبالي الموضوع دا كان كبير عليا عشان أنا مش متعودة على كدا في بيت أهلي، وعمر ما اتضربت في بيت أهلي، بعد 10 سنين جبت أخري ومبقتش عارفة اكم في الحياة بالطريقة دي".
محكمة الأسرة اليوم.. منى: بياخد مصروف العيال عشان يضيعها على الكيف
قررت منى قصد محكمة الأسرة من أجل رفع دعوى نفقة بعد ما فقدت الأمل في صلاح حال زوجها، أنهت حكاياتها قائلة: "حياتنا بايظة بسبب شربه للمخدرات اللي بوظ كل حاجة وخلاه واحد تاني خالص، حاولت معاه كتير إنه يبعد عن الطريق د بس هو عاجبه حاله وهو كدا، مبيتغيرش ولسة زي ما هو وكل ما أجي أكلمه إنه يخلي باله من العيال يقول لي أنا مليش دعوى بيهم، ولسة مكمل في الطريق اللي هو ماشي في دا ومش فارق معاه حاجة، حتى فلوس عياله بياخدها عشان يشتري بيها كيفه".