أخبار محكمة الأسرة
نهى في دعوى طلاق: الإدمان ضيعه ومشردني أنا والعيال في الشارع
سنوات من الخلافات المستمرة مع الزوج بسب تعاطيه للمخدرات ولكن تفاقمت المشكلات والخلات في السنة الأخيرة الذي تعقدت الأمور أكثر بكثير حتى تطرق الأمر لطردها في الشارع هي وأولادها دون الالتفات لمصلحة العائلة ما جعلها تقصد محكمة الأسرة من أجل رفع دعوى طلاق.
قصص محكمة الأسرة.. المخدرات بوظت حياتنا
"سايبني انا والعيال في الشارع"، بهذه الكلمات القاسية بدأت بها نهى حكاياتها لقاضي محكمة الأسرة مؤكدة أنها تعاني مع زوجها الذي دمر حياتها هي وأولادها الأربعة في غمضة عين، تابعت الزوجة حكاياتها للقاضي: "بيشرب القرف دا من زمان بس كان بيتعامل معانا عادي، اه كان في خناقات بينا كتير عشان يبطل القرف اللي بيشربه دا بس هو كان مصمم إنه يكمل في الطريق دا اللي بوظ حياتنا كلها".
حكايات محكمة الأسرة.. اتطور وبقى ياخد أنواع تانية
بعد محاولات كثيرة مع الزوج على أمل الإصلاح، باءت جميعها بالفشل وساءت الأوضاع أكثر من اللازم، استكملت رواياتها قائلة: "حاولت معاه كتير يبطل القرف دا عشان خاطر البيت والعيال، بس هو مكنش فارق معاه أي حاجة ولا فارق معاه العيال، بدأ يزيد في إدمانه بطريقة كبيرة جدًا وبقا ياخد كمان أنواع تانية كتير أخطر من اللي كان بياخدها عشان كدا الخناقات بينا كترت ومبقتش عارفة اتعامل معاه، هو كمان بقا متغير معانا جامد".
روايات محكمة الأسرة.. طردني في الشارع
تفاقمت المشكلات بينهما بسبب تمادى الزوج في الإدمان ما جعله مغيب العقل لا يعرف كيف يتصرف مع أولاده، أضافت نهى: “من ساعة ما بقى ياخد الآيس دا بقاله سنة والدنيا باظت معانا خالص عشان بقا واحد تاني خالص معايا ومبقتش عارفة اتعامل معاه خالص، وفي يوم كنا بنتخانق لقيته طردني أنا والعيال في الشارع وقالي مش هتدخلي البيت دا تاني وخليكي في الشارع، وفضلت كل شوية اروح عند حد من جيراني شوية، وهو مش فارق معاه الموضوع أكتر، وفضلت كدا بقالي سنة”.