أخبار محكمة الأسرة
نورا لـ محكمة الأسرة: معندهوش قلب وبينيمني أنا والعيال من غير عشا
قصدت نورا محكمة الأسرة بعد سنوات من التحمل مع رجل شديد في المعاملة قاسي القلب معها هي والأولاد، وبعد ما فشلت كل محاولاتها بالاستمرار في هذه الحياة، أدركت أن البعد هو الحل الأسلم لها هي وأولادها الأربعة.
قصص محكمة الأسرة.. قلبه قاسي عليا أنا والعيال
"ميعرفش يعني اية حنية" بهذه الكلمات بدأت نورا رواياتها للقاضي مؤكدة أنها صبرت على مقاساتها كثيرًا لعل الأمور تتبدل في يوم من الأيام ولكن في الحقيقة كانت الأمور تزداد تعقيدًا بسبب الأب، تابعت: "قلبه قاسي معايا انا والعيال، مبيعرفش يقول كلمة حلوة دا غير ضربه للعيال اللي عقدهم في نفسهم وفي الحياة كلهم وهما لسة صغيرين".
حكايات محكمة الأسرة.. استحملت كتير عشان العيال
فكرت في اللجوء إلى محكمة الأسرة منذ 5 سنوات ولكنها وضعت أولادها أمامها ولهذا السبب نزعت الفكرة من بالها، على الجانب الأخر كانت الأوضاع تتدهور أكثر مع مرور الوقت بسبب الزوج، استكملت نورا باقي حكاياتها لقاضي محكمة الاسر قائلة: "مستحملة قرفه عشان خاطر العيال والبيت، وكل ما أجي أفكر في الطلاق كنت بحط عيالي قدامي وبرجع اشيل الفكرة من دماغ تاني عشان احافظ على البيت".
روايات محكمة الأسرة.. بينيمنا من غير عشا
بعد ما ساءت الأوضاع أكثر من اللازم قررت نورا قصد محكمة الأسرة ورفع دعوى طلاق منذ 6 شهور بعد ما تأكدت أن الأصلح لها هي والأولاد البعد عن هذه الحياة وليس البقاء فيها، أضافت نورا: "كل شوية أقول يمكن يتغير بس مفيش فايدة فيه برضوا لسة زي ما هو، بالعكس بيزيد في ضربه ليا أنا والعيال وقسوته علينا، حتى بيهون عليه ينيمنا من غير عشان ومش فارق معاه العيال جعانين ولا شبعانين، العيال صعبت عليا إني أفضل مخلياهم كدا كأب زي دا مش عارف يعني إيه الحنية أصلا".