حكايات محكمة الأسرة.. أمنية بدعوى خلع: عواطلي وأهله مانعين عني الأكل والشرب

توقعت «أمنية» أنها تعيش أجمل أيام حياتها بعد الزواج ولكن الواقع صدمها بسبب ما رأته من زوجها وأهله الذين خلوا بوعدهم معها، بأنها تكون من مسئولياتهم أثناء سنة الجيش، وبعد خروج الزوج من الجيش ساءت الأحوال والأوضاع أكثر، بعد 10 سنوات من التحمل قررت إقامة دعوى خلع في محكمة الأسرة.

حكايات محكمة الأسرة.. أهله مانعين عني الأكل

تستهل أمنية قصتها لـ "الحادثة" مؤكدة أن الخلافات بدأت من السنة الأولى بسبب أهل الزوج الذي خلفوا بوعدهم معها، استرجعت أمنية تفاصيل حكايتها قبل الزواج مضيفة: "كان لسه فاضله سنة في الجيش وأهله قالوا نتجوز عادي وهما هيتحملوا كل المصاريف لحد ما يخلص السنة دي في الجيش، واتجوزنا ولقيت معاملة تانية خالص من أهله غير اللي قالوه قبل الجواز، اتغيروا معايا وبقوا بيعاملوني وحش أوي دا غير إنهم منعوا عني الأكل والشرب ولا حتى بيصرفوا عليا مع إنهم قالوا إنهم هيتكفلوا بكل حاجة"

اقرأ أيضا

نهى لـ محكمة الأسرة: بضرب من أهلة قدامة وهو عامل عبيط

قصص محكمة الأسرة.. قاعدلي في البيت 

انتهت السنة واعتقدت أمنية أن الأمور تتحسن معها بخروج زوجها من الجيش ولكن الواقع كان أكبر صدمة لها بعد ما وجدته متكاسل في المنزل لا يريد النزول للعمل ولا الإنفاق عليها ومن هنا بدأت فكرة اللجوء إلى محكمة الأسرة تشغل بالها، تابعت: "كنت فاكرة إن الحياة هتتعدل وهيشوف حاله وبيته بس خرج من هنا وبقى قاعد في البيت مبيعملش أي حاجة ولا عايز ينزل الشغل، خلفت ابني الأول والمصاريف كترت أوي وهو برضو زي ما هو مش فارق معاه ابن، سبت البيت ورحت عند ماما وهي اللي بقت مسئولة عننا وبتصرف علينا وهوبرضو مش هامه ولا فكر حتى يشوف شغل زي بقية الناس".

اقرأ أيضا

محكمة الأسرة.. استعلامات وخدمات مهمة تعرف عليها

روايات محكمة الأسرة.. بقالي 8 سنين عن ماما

انجبت الزوجة طفلها الثاني ولم يتغير أي شيء واستمر الحال كما هو عليه لمدة 8 سنوات، وقررت أخيرًا اللجوء إلى محكمة الأسرة ورفع دعوى خلع، اختتمت رواياتها قائلة: "بقالي 8 سنين عند ماما اروح البيت واسيبه تاني ومفيش حاجة بتتغير برضو، لحد ما زهقت بقا وعرفت إن مفيش فايدة فيه خالص، رفعت قضية خلع عشان أخلص منه".