أخبار محكمة الأسرة
إسراء لـ محكمة الأسرة: همجى ومش بيتفاهم وكسر الشاشة على دماغي أول أسبوع في الجواز
دعوى خلع قصدتها إسراء في محكمة الأسرة بعد ما تحطمت أمالها في حب حياتها التي حاربت أهلها من أجل إتمام الزواج منه، لتكتشف أنها المخطئة وتأكدت من صعوبة التأقلم على هذه الحياة التعيسة مع رجل همجي لا يتعامل إلا بالضرب والشتائم، فكان القضاء هو الحل الأخير لها بعد سنتان ونصف من الزواج.
حكايات محكمة الأسرة.. عديتله كل حاجة عشان بحبه
"قعدت مخطوباله 4 سنين كنت بعديله اي حاجة هو كان بيعملها عشان كنت بحبه وكنت بقول مسيره يتغير بعد الجواز وكل الناس كان بتقول لي دا هيطلع عينك بعد الجواز وانا مسمعتش الكلام"، بهذه العبارة استهلت إسراء حكاياتها للقاضي مبر وجودها في محكمة الأسرة من اجل رفع دعوى خلع بعد سنتا ونصف فقط من الزواج.
قصص محكمة الأسرة.. كسر الشاشة عليا من أول أسبوع
واجهت إسراء مشكلات كثيرة أثناء الخطوبة وكانت كلها إشارات بأنه رجل غير جيد وكها أصرت على ازواج منه وعدم الإصغاء لأي حد بسبب حبها الأعمى له، تستكمل رواياتها: "كل الناس كانت بتحاول تخليني أسيبه عشان مكنش كويس، بس انا كنت متمسكة بيه أوي بالرغم إنه عمل حاجات ومشاكل معايافي الخطوبة لو أي واحدة تاني مش هتكمل بس انا عشان كنت حباه كنت عامية عن أي حاجة بيعملها"، تابعت: "كنت فاكرة الجواز هيغيره ويخليه واحد تاني بس فعلا بقا واحد تاني وزاد في قلة أدبه، ومن أول أسبوع في الجواز والخناقات بدأت ومن أول خناقة بينا كسر الشاشة على دماغي".
دعاوي محكمة الأسرة.. إسراء في دعوى خلع
تفاقمت المشكلات والخلافات بينهما سريعًا في الأسبوع الأول ما جعل الزوجة تترك المنزل كثيرًا، وبعد أول سنة تركت المنزل بلا رجعة متوجة إلى محكمة الأسرة من أجل رفع دعوى خلع بعد ما حاولت الطلاق منه بالتراضي لمدة سنة ونصف، أنهت حكاياتها: "من أول أسبوع والخناقات مالية البيت من كل حتة بسبب أسوبه الهمجي معايا وكل شوية خناق على أي حاجة دا غير الشتايم الي في بوقه ليل ونهار، سبت البيت بعد سنة وطلبت منه الطلاق بس هو مش راضي عشان كدا رفعت قضية خلع بعد سنتين ونص من الجواز".