عجائب محكمة الأسرة.. منار: بحاول معاه يبطل المخدرات وفي الأخر ضربني بالشاكوش

دعوى خلع قصدتها منار بعد 9 سنوات في زواج فاشل حاولت على نجاحه مئات المرات ولكن الزوج كان مصر على إبطال كل محاولاتها بسبب إصرار على الاستمرار في طريق المخدرات ما جعلها تقصد محكمة الأسرة في النهاية بعد ما تدهورت الأوضاع.

حكايات محكمة الأسرة

بحاول معاه من ساعة ما اتجوزته إنه يبطل القرف اللي بيشربه دا بس مفيش فايدة فيه برضوا لسة زي ما هو" كانت هذه الكلمات الأولى في رواية منار التي بدأتها لقاضي محكمة الأسرة، أكملت قائلة: "كان بيضحك عليا قبل الجواز ومفهمني إنه مفيش منه اتنين وانه مش زي شباب اليومين دول ومعرفش طريق المخدرات بس اتجوزت واكتشفت غير كدا خالص".

اقرأ أيضا

محكمة الأسرة اليوم | أميمة: رجعني بعقد عرفي وهرب.. ووفاء: بتاع ستات وعينة زايغة

روايات محكمة الأسرة

بدأت المشكلات منذ معرفة منار بإدمان الزوج واستمرت في التفاقم بسبب رفضه الإقلاع عنها، استكملت الزوجة حكاياتها للقاضي قائلة: "بعد كام شهر من الجواز بس عرفت إنه بيشرب القرف دا ومن ساعتها وانا بحاول اخليه يبطل بس مفيش فايدة فيه برضوا بالعكس ولا كاني بتكلم ومش فارق معاه البيت ولا حتى العيال، اتخانقت كتير وهو لسة زي ما هو".

عجائب محكمة الأسرة.. ضربني بالشاكوش

أصرت الزوجة على قصد محكمة الأسرة من أجل رفع دعوى خلع بعد ما لاحظت أن حياتها تتدهور بسبب إدمان الزوج الذي جعله غير واعي لتصرفاته معها، أنهت رواياتها: "استحملت على أمل إنه يتغير بس مفيش حاجة كانت بتحصل، تصرفاته كانت غريبة وبقا يضربني بأي حاجة ووصل بيه الخال إنه يضربني بالشاكوش وكنت هروح فيها لولا ستر ربنا، خوفت على العيلين اللي حيلتي ورفعت قضية خلع عشان مش ضامنه هيعمل فيا اية تاني"، ولا تزال الدعوى منظورة حتى الآن.